Markus 12 - Portuguese Creole Bible, Guinea-Bissau

Komparason di labraduris mau(Mat 21.33-46; Luk 20.9-18)

1Jesus kumsa na fala ku pobu pa komparason, i konta elis e storia: “Un omi taja un orta, i pui pe di uva la, i koba un koba pa ba ta masa uva, i kumpu kasa altu pa bisiadur. Dipus, i renda labraduris ki orta, i bai bias na utru tera.

2Oca ku tempu ciga di korta uva, i manda un kriadu pa labraduris pa i bai toma si parti di fruta.

3Kilas pañal, e sutal, e mandal mon limpu.

4I torna manda elis utru kriadu. E molostal na kabesa, e pasantal borgoña.

5I torna manda elis utru kriadu; e matal. Manga delis ki manda; e molosta utrus, e mata utrus.

6I teneba inda si propi fiju ki ama. Na fin i mandal pa labraduris, i fala: ‘N fia kuma e na rispita ña fiju.’

7Ma labraduris fala ŋutru: ‘Es ku na yarda. Bo bin, no matal; yardansa ta sedu di nos.’

8E pegal, e matal, e bota si kurpu fora di orta.

9“Ke ku dunu di orta na bin fasi? I na bin kaba ku ki labraduris, i na ntrega orta pa utrus.

10Sertamenti bo ciga di lei e Skritura ku fala:

‘PedraSal 118.22-23 ku pedrerus nega

i bin sedu purmeru pedra di kantu.

11Es i kusa ku Siñor fasi,

ku no oja, no dimira.’ ”

12Ki garandis di judeu na buskaba maneraKap 11.18; Jon 7.30,44 di prindi Jesus, pabia e ntindi kuma ki komparason i seduba kontra elis, ma e medi jinti, e disal, e bai se kamiñu.

Mpustu(Mat 22.15-22; Luk 20.20-26)

13E manda utru fariseus ku jinti di partidu di Erodis pa e pañalLuk 11.54 na kualker palabra.

14Oca ke ciga, e falal: “Mestre, no sibi kuma bu ta konta bardadi, bu ka ta bari ningin paja. Bu ka ta jubi pa rostu di ningin, ma bu ta nsina son bardadi di kamiñu di Deus. Konformi no lei, no dibi di paga mpustu pa rei garandi o nau? Pa no da o nau?”

15Jesus ntindi se finjimentu, i punta elis: “Pa ke ku bo na buska pañan? Bo tisin mueda pa N jubil.”

16E tisil un son. I punta elis: “Rostu di kin ku sta li, ku kal nomi?” E falal: “Di rei garandi.”

17Jesus fala elis: “Bo da rei kil ki di rei; bo da Deus kil ki di Deus.” E fika dimiradu ku el.

Saduseus ku resureison di mortu(Mat 22.23-33; Luk 20.27-40)

18Saduseus, ku fala kuma lanta di mortuAt 23.8 ka ten, un dia e bai pa Jesus pa fasil purgunta, e falal:

19“Mestre, Moisés disanu un leiLei 25.5-6 skritu ku fala kuma, si un omi muri, i disa minjer sin fiju, si ermon dibi di kasa ku ki viuva, pa e pudi tene fiju ku na kontadu suma fiju di ki ermon ku muri.

20I tenba seti ermon. Purmeru kasa, i muri, i ka disa fiju.

21Sugundu kasa ku ki viuva, i muri tambi sin disa fiju. Mesmu kusa bin sedu ku terseru.

22Asin ke bai tok e ciga na seti. Nin un son ka disa fiju. Dipus di tudu, minjer muri tambi.

23Ora ku mortus lanta na dia di resureison, minjer, di kal delis ki na sedu? Pabia tudu seti ermon kasal.”

24Jesus ruspundi elis: “Bo sta nganadu dimas. Bo sibi pabia di ke? Bo ka kunsi Skrituras nin puder di Deus.

25Ora ke lanta di mortu, omi ku minjer ka na kasa; e na sta suma anjus1 Kor 15.47-52; 1 Jon 3.2 na seu.

26Kusa di mortus lanta, bo ka lei na libru di Moisés nunde ku Deus papia ku el na ki arvurisiñu ku na yardi, i falal: ‘Ami i Deus diSai 3.6,16 Abraon, Deus di Isak, Deus di Jakó’?

27El i ka Deus di mortus, ma Deus di bibus. Bo sta na garandi eru.”

Mandamentu mas garandi(Mat 22.34-40; Luk 10.25-28)

28Un pursor di lei ku obiba ki kombersa i oja kuma Jesus ruspundi elis diritu; i bai pertu del, i puntal: “Kal ki mandamentu mas garandi di tudu?”

29Jesus ruspundil: “Mas garandi i es: ‘Israel, sukuta! SiñorLei 6.4-5 no Deus, i el son ki Siñor.

30Ama Siñor bu Deus ku tudu bu korson, tudu bu alma, tudu bu ntindimentu, ku tudu bu forsa.’

31Sugundu i es: ‘Ama bu kumpañerSir 19.18; Mat 19.19 suma bo propi.’ I ka ten nin un mandamentu mas garandi di ki esis.”

32Pursor di lei falal: “Mestre, bu papia diritu. I bardadi ku bu fala kuma DeusLei 4.39; Is 45.6,14; 46.9; 1 Kor 8.4 i un son; fora del i ka ten utru.

33Pa amal ku tudu no korson, tudu no ntindimentu ku tudu no forsa, pa ama tambi no kumpañer suma nos propi, i mas di ki tudu limarias1 Sam 15.22; Os 6.6; Mik 6.6-8 ku no ta kema pa sakrifisiu.”

34Jesus nota kuma i ruspundi ku jiresa, i falal: “Bu ka sta lunju di renu di Deus.”

Dipus de palabra ningin ka osa puntalMat 22.46 mas nada.

Kristu, Fiju di Davi(Mat 22.41-46; Luk 20.41-44)

35Oca Jesus na nsina na kasa di Deus, i punta elis: “Ke ku manda pursoris di lei ta fala kuma Kristu i fiju di Davi?

36Spiritu Santu pui Davi propi pa i fala:

‘Siñor falaSal 110.1 ña Siñor:

“Sinta na ña direita,

tok N pui bu inimigus suma tapeti

pa bu diskansa pe nel.” ’

37Si Davi propi comal Siñor, kuma ki pudi sedu si fiju tambi?”

Avisu kontra pursoris di lei(Mat 23.1-36; Luk 11.37-54; 20.45-47)

Manga di jinti ku staba la na sukutal ku kontentamentu.

38Oca i na nsina elis, i fala: “Bo toma sintidu ku pursoris di lei; e gosta di pasia ku ropa kumpridu; e ta misti pa jinti fala elis manteña ku rispitu na prasa.

39E ta sinta na purmeru lugar na kasas di juntamentu, ku minjor lugar na festas.

40E ta splora kasas di viuvas, nkuantu e na fasi orason kumpridu di finjimentu. E na risibi kastigu mas garandi.”

Oferta di viuva(Luk 21.1-4)

41Oca Jesus sinta na kasa di Deus, pertu di kaŝa di2 Re 12.9 oferta, i na jubi kuma ku jinti na puiba diñeru na kaŝa. Manga di jinti riku e na puiba ciu.

42I bin un minjer viuva pobri, i pui dus mueda pikininu ku teneba puku balur.

43Jesus coma si disipulus, i fala elis: “N na konta bos bardadi kuma, e viuva pobri i pui mas ciu na kaŝa di ki tudu jinti,

44pabia tudu na pui kil ke sobra, ma es, na si koitadesa, i pui tudu1 Re 17.10-15; 2 Kor 8.2,12 ki teneba, kil mesmu ki na gastaba pa kume.”