1 Kronikas 23 - Portuguese Creole Bible, Guinea-Bissau

1Oca ku Davi beju ba ja, i fasi si fiju Salomon pa i rena1 Re 1.33-40 riba di Israel.

Tarbaju di levitas

2Davi junta tudu ŝefis di Israel, suma tambi saserdotis ku levitas.

3Levitas di trinta anu di idadi pa riba e kontadu; numeru ku reẑistaduNum 3.39 i sedu trinta i oitu mil omi.

4Davi rapati elis tarbaju, i fala kuma vinti i kuatru mil na sta riba di tarbaju di kasa di SIÑOR; seis mil na sedu ŝefisKap 26.29-31; Lei 16.18; 17.8-10; 2 Kron 19.8 ku juisis;

5kuatru mil na seduKap 9.17-27; 15.23-24; 16.38; 26.1-12; 2 Kron 8.14; 35.15 porterus; utru kuatru mil na ba ta ngabaKap 6.31-47; 9.33; 1 Re 10.12; 2 Kron 29.26; Am 6.5 SIÑOR ku instrumentus, ku el, Davi, i kumpu pa ngabal.

6Davi rapati elis na grupus konformi familias di Levi: Jerson,Kap 6.1-29 Koat ku Merari.

7Jerson teneba dus fiju: Ladan ku Simei.

8Ladan teneba tris fiju: Jeiel ku sedu ŝef, Zetan ku Joel.

9Simei teneba tris fiju: Selomit, Aziel ku Aran. Esis i ŝefis di familia di Ladan.

10Simei teneba mas kuatru fiju: Jaat, Ziza, Jeus ku Berias.

11Jaat seduba ŝef, ku Ziza si sugundu. Jeus ku Berias e ka teneba manga di fiju; asin e reẑistadu suma un familia son.

12Koat teneba kuatru fiju: Anran, Izar, Ebron ku Uziel.

13Anran padi Aron ku Moisés. AronSai 28.1; 29.44; 30.1,7-10; Sir 16.16-19,30-33 i separadu, el ku si jorson pa sempri, pa purifika kusas mas sagradu, pa kema nsensu dianti di SIÑOR, pa sirbil, pa bensua na si nomi pa sempri.

14Fijus di Moisés,Kap 26.24-25; Sai 18.2-4 omi di Deus, e reẑistadu juntu ku jorson di Levi.

15Fijus di Moisés seduba Jerson ku Eliezer.

16Sebuel seduba ŝef di fijus di Jerson.

17Eliezer teneba un fiju son, ku sedu ŝef Reabias, ku bin padi manga di fiju.

18Izar teneba un fiju comadu Selomit, ŝef di familia.

19EbronKap 24.23-30 teneba kuatru fiju: Jerias ku sedu ŝef, dipus Amarias, Jaaziel ku Jekamean.

20Fijus di Uziel seduba Mika, ku sedu ŝef, ku Isias.

21MerariKap 6.47; 24.26 teneba dus fiju: Mali ku Musi. Mali padi Eleazar ku Kis.

22Eleazar muri oca ki ka tene fiju macu, ma son femias, ku bin kasa ku se primus, fijus di Kis.

23Musi padi tris fiju: Mali, Eder ku Jeremot.

24Esis i ŝefis di jorson di Levi, konformi se familias. Elis tudu e reẑistadu pa nomi. Kada kin di vinti anu di idadi pa riba i teneba si parti na tarbaju di kasa di SIÑOR.

25Davi fala: “SIÑOR Deus di Israel i da diskansu pa si pobu; el propi i na mora na Jerusalen pa sempri.

26Asin levitas ka na pirsisa di torna karga tenda nin kualker di kusas ku ta usadu na sirvis la.”

27Konformi ultimu ordis di Davi, levitas e kontadu di idadi di vinti anu pa riba.

28E nkargadu di juda jorson di Aron na sirvis di kasa di SIÑOR, di toma konta di kintal ku kuartus, di juda na purifikason di tudu kusas sagradu, suma na kualker tarbaju di kasa di Deus.

29Elis ku ta toma konta di ponSai 25.23,30 sagradu, di foriña finu pa ofertas di kumida, di bolaŝas sin fermentu ku utru ofertas ku ta kusñadu, tambi di midi o di pesa ofertas.

30E tenba ku firma pa gardisi SIÑOR, tambi pa ngabal, kada dia parmañaSai 29.39-42 ku di tardi,

31tambi ora ku ofertas kemadu na pursentadu na dias di diskansu, na lua nobu, tambi na dias ku markaduNum 10.10 pa festival. E tenba ku pursenta sempri dianti di SIÑOR na numeru markadu, kada kin na sirvis ki skaladu pa el.

32Asin levitas dadu kargu di guarda tendaNum 1.53 di juntamentu ku kau sagradu, tambi pa juda se ermons di jorson di Aron na sirvis di kasa di SIÑOR.