1Davi ku si ŝefis e kuji familiasKap 15.16-19 di Asaf, Eman ku Jedutun pa e juda na sirvis di kultus, pa anunsia rekadu di Deus, kumpañadu ku arpas, violas ku simbalus. Esis i nomis di jinti ku kujidu pa toma parti na ki sirvis:
2Fijus di Asaf: Zakur, José, Netanias ku Asarela. E staba bas di se pape Asaf ku ta anunsiaba rekadu di Deus konformi ordi di rei Davi.
3Seis fiju di Jedutun: Jedalias, Zeri, Jesaias, Simei, Asabias ku Matitias. E staba bas di se pape Jedutun ku ta anunsiaba; e ta tokaba arpas pa ngaba SIÑOR, pa gardisil.
4Fijus di Eman: Bukias, Matanias, Uziel, Sebuel, Jerimot, Ananias, Anani, Eliata, Jidalti, Romanti-Ezer, Josbekasa, Maloti, Otir ku Maaziot.
5Deus, konformi si purmesa, i da Eman, anunsiadur di Deus na sirvis di rei, ki katorzi fiju ku mas tris femia, pa buril mas forsa.
6Elis tudu e staba bas di se pape pa tarbaja na musika di kasa di SIÑOR, ku salterius, violas ku arpas, pa kultus na kasa di Deus. Asaf, Jedutun ku Eman e staba bas di ordi di rei.
7Numeru delis, tudu ku se parentis ku tenba jitu, e trenadu na musika di SIÑOR, i sedu duzentus i oitenta i oitu.
8Jovens ku garandis, mestresKap 15.22 ku alunus, e jugadu sorti pa se skala di sirvis.
9-31E divididu na vinti i kuatru grupu di dozi, kada un ku si ŝef nkargadu di si fijus ku parentis. Sorti sai ne ordi: José di familia di Asaf, Jedalias, Zakur, Izri, Netanias, Bukias, Jesarela, Jesaias, Matanias, Simei, Azarel, Asabias, Subael, Matitias, Jeremot, Ananias, Josbekasa, Anani, Maloti, Eliata, Otir, Jidalti, Maaziot ku Romanti-Ezer.
Who We AreWhat We EelieveWhat We Do
2025 by iamachristian.org,Inc All rights reserved.
