Salmus 46 - Portuguese Creole Bible, Guinea-Bissau

Un kantiga konformi Alamot, di fijus di Koré, pa ŝef di musika na metadi di fijus di Koré.

1Deus i no kau di suguransa, i no forsa,

sakur pruntuKap 71.3; Lei 4.7; Is 25.4 sempri na ora di foronta.

2Asin, no ka naKap 91.5; Is 12.2 medi, nin si con bulbuli;

nin si montis kai na metadi di mar;

3nin si yagu di mar fasi baruju, i sukuma;

nin si montis tirmi pabia di turmenta di yagu.

Sela

4I ten un riuEz 47.1-12 ku ta kontenta prasa di Deus,

ki kau sagradu ku sedu morada di Deus ku sta riba di tudu.

5Ki prasa ka na bulbulidu; Deus sta na siLei 23.14; Is 12.6; Ez 43.7; Os 11.9 metadi,

i na judal mandrugada.

6Nasons torna brabu; renus bulbuli;

Deus pui si vos pa i obidu; mundu bin ribi.

7SIÑOR ku ten tudu puder sta ku nos;

Deus di Jakó i no kau di suguransa.

Sela

8Bo bin pa jubi tarbaju di SIÑOR,

ki kusas di dimira ki fasi na mundu.

9I ta para geraIs 2.4 na tudu ladu di mundu;

i ta kebra mansasa, i sapa-sapa kañaku,

i kema karus na fugu.

10I fala: “BoEkl 5.2 keta, bo sibi kuma ami i Deus;

N na garandisidu na metadi di nasons;

N na garandisidu riba di mundu.”

11SIÑOR ku ten tudu puder sta ku nos;

Deus di Jakó i no kau di suguransa.

Sela