Jo 18 - Portuguese Creole Bible, Guinea-Bissau

Bildad papia di kastigu di jinti mau

1Bildad di Suá ruspundi i punta:

2“Te kal tempu ku bu na buri palabras?

Pensa diritu; asin no ta papia.

3Ke ku manda bu na tratanu suma limaria,

bu na ojanu suma jinti ku kurtu sintidu?

4Abo, bu na kastiga bu kurpu na bu raiba;

nta mundu na bandonadu pabia di bo?

O pedras garandi na tiraduKap 14.18 na se lugar?

5“Na bardadi, kanderu di omi mau naDit 13.9; 20.20; 24.20 pagadu;

ŝama di si fugu ka na yardi.

6Lus na bida sukuru na si tendas;

kanderuKap 21.17 ku sta lungu del na paga.

7Si pe forti na fraksi,

si propi planus na batil.

8Si propi pes na lebal kinti-kinti paSal 9.15; 35.8; Dit 5.22 ridia,

e na pañadu na si korda.

9Armadilia na pañal na pe,

i na prindil pa ka i kapli.

10Korda sta sukundidu pa el bas di con;

armadilia sta na si kamiñu.

11Kusas meduñu na pantandal na tudu ladu,

e na serkal na tudu kau ki kuri pa el.

12I seduba riku ma i na bin tene fomi;

danu na peral na tudu ladu.

13Duensa na kaba ku partis di si kurpu;

purmeru fiju di mortu na nguli elis.

14I na rinkadu na si tenda ki fiansaba nel,

i na lebadu pa rei meduñu.

15Algin ku ka sedu si familia na mora na si tenda;

nŝofriKum 19.24 na wagadu la.

16Bas, si raisisIs 5.24; Os 9.16; Am 2.9; Mal 4.1 na seku;

riba, si ramus na lati.

17Si lembransa na pirdi na mundu;

i ka na tene nomi na prasas.

18E na tiral na klaridadi pa sukuru;

e na serkal na mundu.

19I ka na tene fiju nin netu na metadi di si pobu;

ningin di si familia ka na fika bibu pa mora na si kau.

20Jinti di kaida ku saida di sol

na fika spantadu ku medu

pabia di si kastigu.

21Na bardadi, kila ku na sedu kabantada di jinti mau,

ku kilis ku ka kunsiSai 5.2; Ŝef 2.10 Deus.”