Salmus 4 - Portuguese Creole Bible, Guinea-Bissau

Salmu di Davi pa ŝef di musika, ku instrumentus di korda.

1O Deus, ku ta difindi pa mi,

kudin ora ku N na comau.

Oca ku jinti pertan, bu dan diskansu;

ten pena di mi, bu obi ña orason.

2Abos, te kal tempu ku bo na torna ña gloria na borgoña?

Te kal tempu ku bo na ama kusa ku ka bali nada,

bo bai trasKap 5.6; Ef 4.25 di mintida?

Sela

3Bo lembra kuma SIÑOR kuji justu2 Tes 2.13-14; 1 Ped 2.9 pa el.

SIÑOR ta obin ora ku N comal.

4Si bo paña raiba, ka boEf 4.26 peka.

Bo papia ku bo kabesa na kama,Kap 46.10; 63.6; Ab 2.20 bo fika ketu.

Sela

5Bo pursenta sakrifisiusLei 33.19 sertu,

bo fiansa na SIÑOR.

6Manga di jinti ta punta: “Kin ku na mostranu kusas bon?”

SIÑOR, numianuKap 31.16; 67.1; 80.3; 119.135; Num 6.25 ku lus di bu rostu.

7Bu inci ña korson ku kontentamentu

mas di ki elis, ora ke tene farturaIs 9.3 di arus ku biñu.

8N na dita, N durmiKap 3.5 ku pas,

pabia i abo son, SIÑOR, ku fasin pa N mora suguru.