Salmus 14 - Portuguese Creole Bible, Guinea-Bissau

(Sal 53)

1Tulus ta fala na se sintidu: “DeusKap 10.4 ka ten.”

E sta kuruptu,Kum 6.11; Rom 3.10-12 e ta fasi kusas nujenti.

I ka ten kin ku ta fasi diritu.

2La na seu, SIÑOR jubi pa tudu jinti na tera,

pa sibi si i ten algin ku ten ntindimentu,

ku ta buska Deus.

3Tudu elis e disvia, e bida kuruptu;

i ka ten kin ku ta fasi ben, nin un son.

4Nta kilis ku ta fasi pekadu e ka ntindi?

E ta kumeJer 10.25; Mik 3.3 ña pobu suma jinti ta kume pon;

e ka ta coma nomi di SIÑOR.

5Ali e sta ku garandi medu,

pabia Deus sta na ladu di justus.

6Abos ku ta fasi mal,

bo ta tuji koitadis sigi se planus,

ma SIÑOR i se kau di suguransa.

7I ta bon ba pa salbason bin di Sion pa Israel!

Ora ku SIÑOR torna sortiKap 53.6; Jo 42.10 pa si pobu,

Jakó, ku sedu Israel, i na kontenti.