1 Reis 14 - Portuguese Creole Bible, Guinea-Bissau

Anunsiu di Aias kontra Jeroboan

1Na ki tempu Abias, fiju di Jeroboan, bin duensi.

2Jeroboan fala si minjer: “Lanta, bu kamufla pa ningin ka rapara kuma abo i minjer di Jeroboan; bu bai pa Siló.Jos 18.1 Anunsiadur Aías sta la, kil ku fala kuma N na sedu reiKap 11.29-38 riba de pobu.

3Leba des1 Sam 9.7-8 pon, ku bulus, ku un garafa di mel, bu bai pa el; i na kontau2 Re 1.2 ke ku na kontisi ku mininu.”

4Asin ku minjer di Jeroboan fasi; i lanta, i bai pa Siló, i yentra na kasa di Aías. Aías ka pudiba ja oja, pabia di bejisa,

5ma SIÑOR falalba2 Re 6.8-12; Am 3.7; At 10.19-20 ja: “Minjer di Jeroboan na bin konsultau aserka di si fiju ku sta duenti. Bu ta falal asin ku ’sin. Ora ki ciga, i na finji sedu utru algin.”

6Oca ku Aías sinti si pasu na porta kontra i na yentra, i falal: “Yentra, minjer di Jeroboan. Pabia di ke ku bu na kamufla asin? N tene mau noba pa bo.

7Bai fala Jeroboan kuma asin ku SIÑOR Deus di Israel fala: ‘N lantandauKap 16.2; 1 Sam 2.8; 15.17; 2 Sam 12.7-8 na metadi di pobu, N fasiu sedu ŝef riba di ña pobu Israel.

8N rumpi renu di kasa di Davi, N dau el, ma bu ka bin sedu suma ña servu Davi ku obdisi ña mandamentus, i yanda ku mi ku tudu si korson, i fasi son kusa retu ña dianti,

9ma abo bu fasi mal mas piorKap 12.28-33; 16.25,30; 21.25 di ki tudu kilis ku staba ja antis di bo. Bu bai kumpu utru deusis, ku idulus di metal, pa provoka ña raiba;Sai 23.21 bu viranNe 9.26; Sal 50.17; Ez 23.35 kosta.

10Pabia di kila N na tisi mal riba di familiaKap 15.25-30 di Jeroboan. N na korta di si familia tudu omi ku mininu, katibu ku bandonadu. N na bota fora di Israel tudu jinti di jorson di Jeroboan, suma ku algin ta bota susidadi fora tok i kaba tudu.

11Kacur na kumeKap 16.3-4; 21.19-24 jinti di familia di Jeroboan ku muri na prasa; pastrus na kume kilis ku muri na matu. I SIÑOR ku fala!’

12“Bu pudi lanta bu bai pa kasa; ora ku bu masa pe na prasa, mininu na muri.

13Tudu Israel na coral, e na nteral. El son di familia di Jeroboan ku na nteradu, pabia el i uniku ku SIÑOR Deus di Israel oja kusa bon2 Kron 19.3 nel.

14SIÑOR na lantanda un reiKap 15.27-29 riba di Israel ku na kaba ku familia di Jeroboan na un dia son. Ke mas ku na bin sedu?

15SIÑOR na kastiga israelitas tok e tirmi suma po di kana na yagu. I na tira pobu di Israel ne bon tera ki da se papes di antigu, i na pajiga elis te na utru ladu di riu Eufrates. Manera ke kumpu idulus di deus femia Aserá,Kap 15.13; Lei 16.21 e lantanda raiba di SIÑOR.

16I na bandona Israel pabia di pekaduKap 12.28-33; 2 Re 10.29-31; 17.21-22; 21.11 ku Jeroboan fasi, ki pui Israel pa i fasi tambi.”

17Minjer di Jeroboan lanta, i riba pa Tirza.Kap 15.21 Oca ki ciga na porta di si kasa, mininu muri.

18E nteral; tudu Israel coral, konformi palabra di SIÑOR ki falaba ja na boka di si servu, anunsiadur Aías.

19Utru kusas ku pasa na renansa di Jeroboan, si geras2 Kron 13 ku si manera di rena, e sta skritu na libru di Storia di Reis di Israel.

20I rena pa vinti i dus anu, i bin muri. Si fiju Nadab rena na si lugar.

Reoboan, rei di Judá(2 Kron 11.5–12.16)

21Reoboan, fiju di Salomon, i bin sedu rei na Judá. I kumsa rena ku korenta i un anu di idadi, i rena disaseti anu na Jerusalen, prasa ku SIÑOR kuji di tera di tudu jorsons di Israel pa pui si nomi la. Si mame seduba minjer amonitaLei 23.3 comadu Naamá.

22Jinti di Judá fasi mal dianti di SIÑOR; pabia di pekadus ke fasi, e mas lantanda nel siumiLei 4.24 ku raiba di ki tudu se papes.

23E kumpu kaus altu, ku kulunas sagradu ku idulus di Aserá riba di tudu montiLei 12.2; 2 Re 16.4; 17.9-10; 21.3-7; 23.6; Is 57.5; Jer 3.13; 17.2 altu, ku bas di tudu arvuri garandi.

24Kusa pior, i tenba rapasis di mau vidaKap 15.12; 22.46; Kum 19.5; 2 Re 23.7 ligadu ku ki kaus sagradu. Jinti fasi konformi kustumus nujenti di nasons ku SIÑOR tiraba fora oca ku fijus di Israel na yentra.

25Na kintu anu di rei Reoboan, Sisak,Kap 11.40 rei di Ejitu, ataka Jerusalen.

26I toma rikesas di kasa di SIÑOR ku di kasa di rei, i leba elisKap 7.51; 10.16-17; 15.18; 2 Re 14.14; 24.13; 25.13-16 tudu. I toma tambi tudu tajaderas di uru ku Salomon kumpuba.

27Na se konta rei Reoboan kumpu tajaderas di kobri, i ntrega elis na mon di kapitons di guarda ku staba sempri na porton di kasa di rei.

28Kada bias ku rei na yentra na kasa di SIÑOR, guardas ta lebaba elis; dipus e ta torna pui elis na kasa di guarda.

29Utru kusas ku pasa na renansa di Reoboan, ku tudu ki fasi, e sta skritu na libru di Storia di Reis di Judá.

30Gera tenba sempri entri Reoboan ku Jeroboan.

31Reoboan diskansa, i nteradu lungu di si papes na prasa di Davi. Si mame seduba minjer amonita comadu Naamá.Kap 14.21 Si fiju Abias toma si lugar suma rei.