Salmus 18 - Portuguese Creole Bible, Guinea-Bissau

(2 Sam 22.1-51)

1N amau ciu, SIÑOR, ña forsa.

2SIÑOR i ñaKap 91.2; 144.1 roca, ña lugar forti,

ña Libertadur, ña Deus,

ña kau suguru ku N fiansa nel;

el i ñaKap 3.3 tajadera, forsa di ña salbason,

ña kau altu di sukundi.

3N na coma nomi di SIÑOR ku mersi ngabadu;

asin N ta fika libri di ña inimigus.

4Kordas di mortu maranKap 116.3 kansadu;

maron danadur bin pañan.

5Kordas di mundu di mortu pertan;

armadilias di mortu pudu pa pañan.

6Na foronta N comaKap 34.4,17 SIÑOR,

N yalsa fála pa ña Deus.

El, na si kasa sagradu, i obi ña vos;

ña gritu ciga na si oreja.

7Asin, con bulbuli, i tirmi;

alisersus di montis balansa, e tirmi,

pabia Deus staba ku raiba.

8Fumu sai na si naris;

fugu ku ta kaba ku kusas sai na si boka;

brasas di fugu sai nel.

9I yabri seu,Kap 144.5; Is 64.1 i ria;

i teneba nuven sukuru bas di si pe.

10I monta na un kirubin,Kap 99.1; 104.3 i bua;

sin, i bua na asas di bentu.

11I fasi sukuruKap 97.2 pa i sedu si kau di sukundi;

kurtina ku kubril i sedu nuvens sukuru, kargadu ku cuba.

12Na gloria ku staba si dianti

i sai nuvens sukuru ku pajiga,

ku cuba di pedraIs 30.30 ku raius di relampagu.

13Di seu SIÑOR papia risuKap 29.3 suma turbada;

Deus ku sta riba di tudu yalsa si fála;

logu i ten cuba di pedra ku raius di relampagu.

14I buri si raius, ku sedu suma fleŝas,

i pajiga inimigus, i serka elis.

15SIÑOR, oca ku bu raprindi inimigus,

oca tambi ki folgu forti rebenta na bu naris,

kau fundu di mar ojadu,

alisersus di mundu diskubridu.

16Deus, na si kau altu, i distindi si mon,

i pegan, i tiranKap 144.7 na yagu fundu.

17I libran di ña inimigu forti,

di kilis ku ka gosta di mi,

ku sedu mas forti di ki mi.

18E atakan na dia di ña foronta,

ma SIÑOR sedu ña forsa.

19I tisin na un kauKap 31.8 largu,

i libran, pabia i kontenti ku mi.

20SIÑOR tratanKap 18.24; 1 Sam 24.17-19; 26.23 diritu

suma ña vida i justu;

i pagan konformi puresa di ña mon,

21pabia N yanda na kamiñus di SIÑOR,

nin N ka disvia di ña Deus pa fasi mal.

22Tudu si leis sta ña dianti;

N ka vira kosta pa si regras.

23N fika sin kulpa si dianti;

N libra di fasi pekadu.

24Asin SIÑOR tratan diritu suma ña vidaKap 18.20 i justu,

konformi i oja puresa di ña mon.

25Abo, SIÑOR, ku jinti fiel, bu ta mostra kuma abo i fiel;

pa jinti di bardadi, bu ta mostra kuma abo i bardadi;

26pa jinti puru, bu ta mostra kuma abo i puru;

pa jinti tortu, bu ta mostra kuma abo i risu.

27Bu ta salba jinti umildi,

ma bu ta bati jinti orgulyosu.

28Abo bu ta sindi ñaDit 20.27; Jon 12.46 kanderu;

SIÑOR ña Deus na bidanta ña sukuru klaridadi.

29Ku bu ajuda, N fura na metadi di tropas;

ku ña Deus N pudi salta riba di mura.

30Kamiñu di Deus iLei 32.4; Dan 4.37; Apok 15.3 pirfitu;

palabraKap 119.140; Dit 30.5 di SIÑOR i sertu.

SIÑOR i tajadera pa tudu kilis ku fiansa nel.

31Kin ki Deus si i ka SIÑOR?

Kin ku sedu RocaLei 32.31 si i ka no Deus?

32Deus i kil ku ta dan forsa,

i ta fasi ña kamiñu pirfitu.

33I ta fasi ña peAb 3.19 suma di gazela;

i ta firmantan na kau altu.

34I ta trena ña monKap 144.1; Kum 49.24 pa gera,

di manera ki ten forsa

pa usa mansasa di kobri.

35Bu ta difindin, bu ta salban;

bu mon direita ta nguentan;

bu mansesaMat 11.29 ta garandisin.

36Bu limpan kamiñu pa i mas largu,

pa N pudi yandaKap 37.23-24 sin tursi pe.

37N serka ña inimigus tok N paña elis;

N ka riba tok N kaba ku elis.

38N masa-masa elis tok e ka pudi lanta mas;

e kai bas di ña pe.

39Bu dan forsa pa gera;

kilis ku lanta kontra mi,

bu baŝa elis ña dianti.

40Bu pui ña inimigus pa e kuri di mi;

pa N pudi kaba ku kilis ku sta kontra mi.

41E pupa, ma i ka ten kin ku libra elis;

e coma SIÑOR, ma el i ka kudiIs 1.15 elis.

42N pila elis suma puera ku bentu ta leba;

N bota elis fora suma lama na rua.

43Bu libran oca pobu lanta kontra mi;

bu fasin kabesa di nasons;

jinti ku N ka kunsi e sta bas di mi.

44Logu ke obin, e ta obdisin;

stranjerus na fika bas di mi.

45Elis e pirdi koraẑen,

e saiMik 7.17 na se kaus forti ku medu.

46SIÑOR sta bibu! Ña Roca dibi di ngabadu!

Deus ña Salbadur pa i garandisidu!

47I Deus ku ta toma vingansa pa mi,

ku baŝa nasonsKap 47.3 ña dianti,

48ku ta libran di ña inimigus.

Sin, bu yalsan riba di kilis ku lantaKap 59.1 kontra mi;

bu libran di omis violentu.

49Asin N na ngabau na metadi di nasons, o SIÑOR;

N na kanta pa ngaba bu nomi.

50I el ku ta da garandi vitoriasKap 144.10; 2 Sam 7.13 pa si rei;

i ta mostra bondadi pa rei ki kuji,

ku sedu Davi ku si jorson pa sempri.