Gálatas 2 - Portuguese Creole Bible, Guinea-Bissau

Paulu ku utru apostolus

1Oca ki pasa katorzi anu, N bai utru bias paAt 15.2 Jerusalen, ku Barnabé. N leba tambi Titu ku mi.

2N bai, pabia Deus mostran kuma N dibi di bai. Na un runion aparti ku garandis di igreẑa, N konta se dianti Bon Noba ku N ta konta pa kilis ku ka sedu judeus. N ka mistiba pa tarbajuKap 4.11; Fil 2.16; 1 Tes 3.5 ku N fasi, ku N na fasiba inda, sedu na nada.

3Nin Titu, ña kumpañer, ku sedu gregu, i ka obrigadu pa i sirkunsidadu,

4kontudu utrus mistibaAt 15.1 pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

5ma no ka seta se ordi nin pa un ora, pa bardadi di Bon Noba pudi fika firmi na bo metadi.

6Kilis ku parsiba kuma e sedu garandis di igreẑa (ma se garandesa i ka nada pa mi; Deus ka ta jubiAt 10.34 parsensa di jinti); N fala: esis ku parsiba sedu garandis, e ka dan nobu ideia,

7ma e oja kuma Deus dan tarbajuAt 9.15 di konta Bon Noba pa kilis ku ka sedu judeus, suma ki da Pedru pa judeus.

8Deus ku tarbaja ku puder dentru di Pedru pa fasil apostolu pa judeus, el tambi ku tarbaja ku puder na mi pa fasin apostolu di kilis ki ka judeus.

9Oca ku Pedru, Tiagu ku Jon, ku parsiba seduEf 2.20; Apok 21.14 firkijas, e rapara kuma i Deus ku danba e tarbaju, e danu mon, ami ku Barnabé, suma se kumpañeris di tarbaju. No konkorda kuma anos no ta bai pa kilis ki ka judeus; elis e ta bai pa judeus.

10E rekumendanu son pa no ba ta lembra di koitadisAt 11.29-30 di igreẑa di judeus. I un kusa ku N buska fasi ku mpeñu.

Paulu raprindi Pedru na Antiokia

11Oca ku Pedru ciga naAt 15.35 Antiokia, N papia kontra el si dianti, pabia i tenba kulpa.

12Antis di ciga kilis ku Tiagu manda, i ta kumebaAt 10.28; 11.2 ku kilis ki ka judeus, ma oca ke ciga, i fika i na kuri, i ka kume mas ku elis, pabia i medi kilis ku na nsina kuma tudu krenti dibi di sirkunsidadu.

13Ki utru krentis judeu tambi finji suma Pedru, na manera ku te Barnabé lebadu na ki finjimentu.

14Oca ku N oja kuma e ka na yanda diritu suma bardadi di Bon Noba, N fala Pedru dianti delis tudu: “Si abo ku sedu judeu bu ka na yanda suma judeu, ma bu na yanda suma jintiu, kuma ku bu pudi obriga jintius pa e vivi suma judeus?”

Salbason di judeu ku jintiu i son pa fe

15Anos i judeu di nasimentu; no ka sedu jinti di utru rasa ku fasi pekadu,

16ma suma no sibi kuma omi i ka fasidu justuAt 13.38-39; Rom 1.17; 8.3 pabia i fasi kil ku lei fala, ma pa fe na Jesus Kristu, anos tambi no seta Jesus Kristu pa no pudi fasidu justu pa fe nel; i ka pabia no fasi kil ku lei fala. Ningin ka pudi fasidu justu pabia i fasi kil ku lei fala.

17Si anos, ku na buska fasidu justu na no ligason ku Kristu, no na ojadu1 Jon 3.8-9 ku pekadu suma kilis ki ka judeus, N punta: I pabia Kristu na sirbi pekadu? Di nin un manera!

18Si N torna kumpu kualker kusa di lei ku N danaba ja, N ta ojadu, ami propi, suma kil ku ta kebra lei.

19Na ladu di lei N sta mortu; i lei propi ku matan, pa N pudi viviRom 7.4-6; 8.2; Eb 9.14 pa Deus.

20N sta ja krusifikaduRom 6.6; 2 Kor 5.15 ku Kristu. N na vivi; i ka ami ku na vivi, ma Kristu na vivi na mi. Vida ku gosi N na vivi na kurpu, N na vivil na fe ku N ten na Fiju di Deus, kil ku aman, i ntrega si vida pa mi.

21N ka na nega fabur di Deus. Si algin ta fasidu justu pabia di sigiKap 3.21; Rom 11.6 lei, nta mortu di Kristu ka sedu nada.