Salmus 109 - Portuguese Creole Bible, Guinea-Bissau

Salmu di Davi pa ŝef di musika.

1O Deus ku N ta ngaba, ka buKap 83.1 kala,

2pabia jinti mau e yabri se boka ku nganu,

e konta mintida kontra mi.

3E ta atakan na tudu ladu ku palabras di odiu,

sin roson.

4N ama elis, ma e sta kontra mi.

Ami N ta ora.

5E pagan malKap 38.20 pa ben, odiu pa ña amor.

6Kuji un malvadu pa i sta kontra ña inimigu;

pui kil ku na akusalZak 3.1 na si mon direita.

7Ora ki julgadu, pa i sai kondenadu;

pa si orasonDit 28.9 ojadu suma pekadu.

8Pa si dias kaba sedu;

si pusisonAt 1.20 pa i dadu pa utru.

9Si fijusSai 22.24 pa e fika orfan,

si minjer pa i fika viuva.

10Pa si fijus yanda-yandaKum 4.12 pa pidi simola;

pa e serkadu di se kasas ku dana.

11Algin ki dibi pa i bin toma tudu ki tene;

kil ki ngaña na si tarbaju, pa stranjerus lebal.

12Pa i ka ten kin ku na mostral bondadi,

nin algin ku na toma konta di orfans ki fika.

13Pa si jorsonKap 37.28 kortadu,

pa i diskisidu na tempu di si fijus.

14SIÑOR pa i lembra di maldadi di si papes;

pekaduSai 20.5; Ne 4.5; Jer 18.23 di si mame pa i ka purdadu,

15ma ki pekadus, pa e fika sempri dianti di SIÑOR,

pa i pudi korta lembransa di ki familiaJo 18.17 na tera.

16Ki omi, nunka i ka lembra di mostra bondadi,

ma i pirsigi koitadis, kilis ku ten falta,

ku kilis ku tene korson kebrantadu,

pa i pudi mata elis.

17Suma i gosta di maldisua jinti,

pa maldison bin riba del!

I ka misti da benson;

pa benson lunjusi del!

18El i ta bisti di maldisonNum 5.22 suma kamisa;

pa ki maldison yentra na si kurpu suma yagu,

pa i yentra na si os suma azeiti.

19Ki maldison pa i kubril suma panu,

suma sintu ki ta mara sempri.

20Es pa i sedu pagamentu di SIÑOR pa ña akusaduris,

ku kilis ku ta papia mal kontra mi.

21Ma abo, SIÑOR Deus, difindi pa mi pabia di bu nomi;

libran, pabia abo i bon, bu ta sinti pena.

22Ami i koitadi, N ten falta;

Dentru di ña korson N na sinti dur.

23N na pirdi suma sombra di tardi;

N fercadu lunju suma gamfañoti.

24Ku manga di junjun, ña jujuEb 12.12 na fraksi;

magresa toma konta di ña kurpu.

25Elis e ta njutin;

si e ojan, e ta balansaMat 27.39 kabesa.

26O SIÑOR ña Deus, sakuran,

bu salban, konformi bu bondadi,

27pa e pudi sibi kuma i bu mon ku fasiJo 37.7 e kusa.

28E pudi2 Sam 16.11-12 maldisua, ma abo, bu na bensua.

Kilis ku lanta kontra mi, pa e kunfundidu,

ma ami, bu servu, pun pa N sta kontenti.

29Ña akusaduris pa e bisti ku borgoña,

pa se propi kunfuson kubri elis suma panu.

30N na yalsa fála pa garandisi SIÑOR,

N na ngabal na metadi di juntamentu,

31pabia i ta firma na direita di koitadi,

pa libral na mon di kilis ku na kondenal pa mortu.