1Josué, fiju di Nun, coma dus omi naNum 25.1; Mik 6.5 Sitin, na sigridu, i fala elis: “Bo bai jubi tera; ma tudu manera bo jubi Jerikó.” E bai, e yentra na kasa di un minjerEb 11.31; Tia 2.25 di mau vida ku ta comaduba Raab, e durmi la.
2Jinti da rei di Jerikó noba, e falal: “Jubi, e di noti i bin li utru omis di fijus di Israel pa pudi spia tera.”
3Asin rei di Jerikó manda rekadu pa Raab, i falal: “Tira fora ki omis ku bin pa bo, e yentra na bu kasa, pabia e bin pa spia tudu tera.”
4Ma ki minjer lebaba ja ki dus omi, i sukundi2 Sam 17.19-20 elis. Asin i fala: “I bardadi, omis bin pa mi, ma ami N ka sibiba si elis i di nunde.
5Oca kau na sukuru, i ciga ora di fica porton di prasa, ki omis sai. N ka sibi pa nunde ke bai. Bo janti se tras, bo na paña elis.”
6Ma i fasiba ja elis subi riba di kasa, i sukundi elis na metadi di kanas di liñu ki puiba na ordi la.
7Asin ki omis di Jerikó bai se tras na kamiñu di Jordon pa buska elis, te na kambansa. E kaba sai son, porton ficadu.
8Antis di ki spions durmi, minjer subi pa elis riba di kasa,
9i fala elis: “Bardadi, N sibi kuma SIÑOR da bos e tera, tambi N sibi kuma un medu garandiSai 23.27 pa bos kai riba di nos; tudu jinti ku mora ne tera, se korson na dismaja pabia di bos,
10pabia no obi kuma SIÑOR seka yaguKap 4.23-24; Sai 14.21-31; 15.14-16; Num 21.21-35 di Mar Burmeju pa bos oca bo sai na Ejitu. No obi tambi ke ku bo fasi ki dus rei di amoreus, ku sedu Sion ku Og, ku staba na utru banda di Jordon, manera ku bo kaba ku elis.
11Oca no obi es, no korson kai. Koraẑen ka ten mas na nosKap 5.1; 7.5; Lei 4.39; Sal 83.18; Is 13.7 manera ku bo na bin, pabia SIÑOR bo Deus i Deus la riba na seu, tambi li bas na tera.
12Gosi, N pidi bos pa bo jurmenta pa mi, na nomi di SIÑOR, kuma bo na fasi bondadi pa ña familia suma ku N fasi bondadi pa bos. Asin, bo dan un sinal sertu
13kuma bo na salba vida di ña pape ku ña mame, suma tambi di ña ermons macu ku femia, ku tudu se familia; bo na libranu di mortu.”
14Ki omis ruspundi e falal: “No vida na da kontaŜef 1.24-25 pa bo vida! Si bo ka konta ke ku no na fasi, ora ku SIÑOR danu e tera no na sedu bon i fiel pa bo.”
15Asin i rianta elis1 Sam 19.12; At 9.25 ku korda na janela, suma ku si kasa nunde ki mora i staba riba di mura di prasa.
16I fala elis: “Bo bai pa monti, bo sukundi la tris dia, pa ka kilis ku na buska bos bin oja bos. Bo fika la tok e riba; dipus bo ta bai bo kamiñu.”
17Ki omis falal: “No na fika libri di ki juramentu ku bu fasinu jurmenta si kontra bu ka fasi es ku no na falau.
18Ora ku no yentra ne tera, bu na mara e korda burmeju na janela ku bu na riantanu nel. Bu na rukuji bu pape, bu mame, bu ermons, ku tudu familia di bu pape, juntu ku bo na kasa.
19Si kualker algin sai fora di portaNum 35.26-28 di bu kasa, si i muri, kulpa na sedu di sil; anos no ka na ten kulpa, ma kualker algin ku sta ku bo na kasa, si algin pui mon riba del, kulpa na sedu di nos.
20Ma si bu konta ke ku no na fasi, no na fika libri di ki juramentu ku bu fasinu jurmenta.”
21I fala elis: “Konformi bo palabras, asin ki na sedu.” I dispidi elis; e bai. I mara ki korda burmeju na janela.
22Omis bai, e ciga na monti, e fika la tris dia, tok ki omis di Jerikó kaba buska elis na tudu kamiñu, e riba sin oja elis.
23Asin ki dus omi pega kamiñu pa riba, e disi na monti, e kamba riu, e bai pa Josué, fiju di Nun, e kontal tudu kusa ku pasa ku elis.
24E fala Josué: “Sin duvida SIÑOR da tudu ki teraKap 5.1; 21.44-45 na no mon; tudu jinti ku mora la, se korson na dismaja pabia di nos.”
Who We AreWhat We EelieveWhat We Do
2025 by iamachristian.org,Inc All rights reserved.
