1Oca ku pobu oja kuma Moisés na tardabaKap 24.18 pa ria na monti, e bai pa Aron e falal: “Lanta bu kumpunu un deus ku na bai no dianti, pabia no ka sibi ke ku pasa ku ki omi Moisés ku tiranu di tera di Ejitu.”
2Aron fala elis: “Bo tira tudu brinkus di uruKap 12.35 na orejas di bo minjeris ku bo fijus macu ku femia, bo tisin elis.”
3Asin, tudu pobu tira brinkus na orejas, e leba elis pa Aron.
4I risibi elis na se mon, i ribi elis, i darma uru na un forma, i kumpu un turu1 Re 12.28-32; 2 Kron 13.8; Ne 9.18; Sal 106.19-21; Is 46.6; Rom 1.21-23 nobu di uru. Pobu fala: “O Israel, es i bu deus ku tirau di tera di Ejitu.”
5Oca ku Aron oja ki kusa, i kumpu altar dianti di ki turu, i anunsia i fala: “Amaña no na fasi festa pa SIÑOR.”
6Mansi di ki dia e lanta parmaña sedu, e mata limarias pa oferta kemadu, e tisi tambi ofertas di pas. Dipus, e sinta pa kume, e bibi;1 Kor 10.7 e lanta pa fasi parodia.
7SIÑOR fala Moisés: “Lanta, bu ria, pabia bu pobu ku bu tira di Ejitu e bida mau.
8E janti pa disviaŜef 2.17 kinti-kinti di kamiñu ku N manda elis pa e sigi; e ribi uru, e kumpu turu, e mpina pa el, e fasi sakrifisiu pa el, e fala: ‘O Israel! Es i bu deus ku tirau di tera di Ejitu.’ ”
9SIÑOR papia mas ku Moisés i falal: “N jubi e pobu, N oja kuma e risu kabesa.Kap 33.3,5; 34.9; Lei 9.6; 10.16; 31.27; 2 Re 17.14; 2 Kron 30.8; 36.13; Ne 9.16-18; Sal 78.8; Is 48.4; Jer 19.15; At 7.51
10Disan pa N paña raiba kontra elis, pa N kabaNum 14.12-20; 16.21-22,45 ku elis. N na fasiu un garandi nason.”
11Moisés rogaSal 106.23 SIÑOR si Deus, i falal: “O SIÑOR, kuma ku bu na paña raiba kontra bu pobu ku bu tira di tera di Ejitu ku garandi puder, ku mon forti?
12Bu na da ejipsius motivu pa e fala kuma bu tira elis pa mal, pa mata elis na montañas, pa kaba ku elis tudu. Disa ki raiba ku na kemau, bu muda ideia di ki mal ku bu pensa fasi kontra bu pobu.
13Lembra di bu servus Abraon, Isak kuSir 26.42 Israel, ku bu jurmenta pa elis pa bu propi kabesa, bu fala: ‘N na buri numeru di bo jorson suma strelasKum 15.5 na seu; N na da bo jorson tudu e tera ku N fala N na da elis pa e tenel suma yardansa pa sempri.’ ”
14Asin, SIÑOR muda ideia2 Sam 24.16; Jer 18.8; 26.13,19; Joe 2.13; Jona 3.10; 4.2 di ki mal ki falaba kuma i na fasi si pobu.
15Moisés vira, i ria na monti, ku ki dus tagua di tustumuñu na si mon, ku skirbiduba na tudu dus ladu.
16Deus propi ku kumpu ki taguas,Kap 24.12 i grava mandamentus nelis.
17Oca ku JosuéKap 17.9; 24.13 obi fála di pobu ku na somna, i fala Moisés: “I ten baruju di gera na kampamentu.”
18Moisés falal: “Es i ka gritu di vitoria ku N na obi, nin gritu di kilis ku ngañadu, ma i gritu di jinti ku na kanta.”
19Oca ku Moisés ciga pertu di kampamentu, i oja ki turu, ku baju, i paña raiba tok i na firbi. Ki taguas ki teneba na mon, i bota elis, i kebra elis la lungu di monti.
20I toma ki turu ke kumpu, i kemal na fugu, i pilal tok i bida reia, i wagal na yagu, i da fijus di Israel pa e bibi.
21I punta Aron: “Ke ku e pobu fasiu, ku manda bu tisi e garandi pekadu riba delis?”
22Aron fala: “Ka bu paña raiba di mi, Siñor. Bu sibi kuma e pobu ta nklina sempri pa mal.
23Elis ku falan: ‘Fasinu un deus ku na bai no dianti, pabia no ka sibi ke ku pasa ku ki omi Moisés ku tiranu di tera di Ejitu.’
24Asin N fala elis: ‘Kin ku tene uru, pa i tiral.’ E dan el; N botal na fugu; i sai e turu.”
25Moisés oja kuma pobu staba ja diskontroladu, pabia Aron disa elis e na yanda suma dudus; i bin sedu borgoña pa elis dianti di se inimigus.
26Asin Moisés firma na entrada di kampamentu, i fala: “Kin ku sta na laduSal 94.16 di SIÑOR, pa i bin pa mi.” Tudu fijus di Levi e junta nunde Moisés.
27I fala elis: “SIÑOR Deus di Israel fala pa kada un mara spada na rabada, i pasa na kampamentu, di un ladu pa utru, i mataNum 25.5-12; 2 Re 10.25 si ermon, si amigu ku si visiñu.”
28Levitas fasi konformi Moisés manda elis. Na ki dia serka di tris mil omi matadu.
29Moisés fala: “Aos bo separa bo mon pa SIÑOR, pabia kada un seduba kontra si fiju ku si ermon. Asin SIÑOR bensua bos aos.”
Moisés roga pa pobu30Mansi di ki dia Moisés fala pobu: “Abos bo fasi pekadu garandi, ma gosi N na subi pa SIÑOR pa jubi si N ta buska purdonNum 16.47; 25.13 pa bo pekadu.”
31Asin Moisés bai mas pa SIÑOR i falal: “E pobu fasi pekadu garandi, manera ke kumpu un deus di uru pa se kabesa,
32ma N na pidiu pa bu purda elis se pekadu. Si i ka asin, bu ta riska ña nomiSal 69.28; Dan 12.1; Luk 10.20; Rom 9.3; Fil 4.3; Apok 3.5; 13.8; 17.8; 20.12; 21.27 na ki libru ku bu skirbi.”
33SIÑOR fala Moisés: “Kin ku pekaEz 18.4; Apok 22.19 kontra mi, es ku N ta riska si nomi na ña libru.
34Bai, bu gia e pobu pa kau ku N falauba del. Ña anju na bai bu dianti, ma si dia di ña vingansa ciga, N na vinga elis pa se pekadu.”
35Asin SIÑOR manda un duensa ku mata pobu, pabia di kil ke fasi ku ki turu nobu ku Aron kumpu.
Who We AreWhat We EelieveWhat We Do
2025 by iamachristian.org,Inc All rights reserved.
