1SIÑOR, bu jubin diritu, bu kunsin.
2Bu sibi2 Re 19.27; Mat 9.4; Jon 2.25; Eb 4.12-13 ora ku N na sinta, ku ora ku N na lanta;
di lunju bu ta ntindi ña pensamentu.
3Bu ta nota ora ku N na yandaJo 31.4 o ora ku N na dita;
bu kunsi tudu ña manera di yanda.
4Antis di palabra ciga na ña boka,
abo, SIÑOR, bo kunsil tudu.
5Bu tajan dianti ku tras;
bu pui bu mon riba di mi.
6E kuñisimentu i garandi dimas pa mi;
manera ki altu dimas, N ka pudi ntindil.
7Nunde ku N pudi kapli di bu Spiritu?
Nunde ku N pudi kuri di bu rostu?
8Si N subi pa seu, bu sta la;
si N pui ña kama na munduDit 15.11; Am 9.2-4 di mortu, bu sta la tambi.
9Si N toma asas di mandrugada,
N bai sinta na frontera di mar,
10te la bu mon na gian,
bu mon direita na suguran.
11Si N fala: “Sin duvida sukuru na kubrin;
lusDan 2.22 na bida noti na ña volta,”
12te sukuru ka na sukundinEb 4.13 di bo,
ma di noti na numia suma di dia;
sukuru ku lus pa bo i mesmu.
13Bu kumpu tudu parti dentru di mi;
bu juntan dentru di bariga di ña mame.
14N na ngabau, pabia bu kumpun
na un manera meduñu, maravilyosu.
Bu tarbaju i di dimira;
N sibi kila diritu.
15Oca ku N kumpudu na ki kau sukundidu,
ña os ka sukundi di bo.
Oca ku N juntadu na ki kau fundu,
16bu uju oja ña kurpu ku ka formaduba inda.
Tudu dias ku markadu pa mi i skirbidu na bu libru,
antis di un delis i tenba.
17O Deus, bu pensamentus i bonitu dimas pa mi!
Si numeru i garandi dimas!
18Si N pudiba fasi konta del, i ta seduba mas di ki reia.
N pudi konta, N konta, sin N ka ciga na kabantada.
19O Deus, i ta bon ba pa bu mata jinti mau!
Abos, omis ku ta darma sangi, bo lunjusi di mi!
20E ta papia mal kontra bo;
bu inimigus ta coma bu nomi na nada.
21Nta N ka ta aburisi kilis ku aburisiu, SIÑOR?
O N ka ta sinti mal pabia di kilis ku ta lanta kontra bo?
22N ka na sinti nada pa elis, son odiu;
N tene elis suma ña inimigus.
23O Deus, jubin, pa bu pudi kunsi ñaJo 31.6 korson;
spurmentan, pa bu kunsi ña pensamentus.
24Jubi si N na yanda na un kamiñu mau;
gian na kamiñu antigu.
Who We AreWhat We EelieveWhat We Do
2025 by iamachristian.org,Inc All rights reserved.
