Salmus 102 - Portuguese Creole Bible, Guinea-Bissau

Orason di un omi forontadu ku misti dismaja, i darma si keŝa dianti di SIÑOR.

1SIÑOR, obi ña orason;

disa ña vos pa i ciga na bo.

2Ka bu sukundin bu rostu na dia di ña foronta.

Para oreja pa mi;

na dia ku N comau, janti pa kudin.

3Ña dias na disparsi sumaTia 4.14 fumu;

ña os na yardinMis 1.13 suma fugu.

4Ña korson molostadu, i seku suma paja,

tok N ta diskisi di kume.

5Manera ku N ta jimi ku dur,

ña os pega ku peli.

6N parsi suma kacu na lala,

suma kuruẑaIs 34.11; Sof 2.14 na kasa ku danadu.

7N ta dita, N ka ta durmi;

N sedu suma kacu dingidu riba di kankra.

8Ña inimigus ta koban tudu ora;

kilis ku ten raiba kontra mi e ta maldisuan.

9I sinsa ku sedu ña kumida;

kil ku N na bibi i ta jagasi ku larma,

10pabia di bu garandi raiba,

pabia bu yalsan, bu kumsa fercan.

11Ña dias na pasa suma sombra di tardi;

N na sekuKap 144.4; Tia 1.10 suma paja.

12Ma abo, SIÑOR, bu sedu Rei pa sempri;

tudu manjuandadi na kunsi bu fama.

13Bu na lanta, bu sinti penaIs 40.2; 60.10; Dan 9.2; Zak 1.12 di Sion;

pabia tempu markadu pa mostral fabur i ciga ja.

14Bu servus ten amor pa pedras di Sion,

e sinti pena di si reia.

15Nasons na rispita nomi di SIÑOR;

tudu reis di mundu na rispita si gloria,

16ora ku SIÑOR torna kumpu Sion,

i mostra si gloria.

17I na ruspundi orason di kil ku bandonadu,

i ka na njuti si rogu.

18Skirbi e kusas pa pobu di futuru,

pa jinti ku ka padidu inda pudi ngaba SIÑOR.

19SIÑOR, na si kau sagradu la riba na seu,

i mpina, i jubiLei 26.15 pa tera,

20pa obi kuma ku katibus na jimi,

pa kaplinti kilis ku kondenadu pa mortu.

21Asin si nomi na anunsiadu na Sion,

i na ngabadu na Jerusalen

22ora ku nasons ku renus junta

pa adora SIÑOR.

23Na metadi di ña vida i kebra ña forsa,

i korta ña dias.

24Ami N fala: “Ña Deus,

ka bu leban na metadi di ña vida.

Abo, bu anus ta yangasa tudu manjuandadi.

25Disna di kumsadaKum 1.1; Is 48.13; Eb 1.10-12 bu pui alisersus di tera;

seus i tarbaju di bu mon.

26E naIs 34.4; 2 Ped 3.10 disparsi, ma abo bu na kontinua.

Tudu elis e na beju suma ropa;

suma ropa e na torkiadu; ki beju na botadu,

27ma abo bu seduMal 3.6; Eb 13.8; Tia 1.17 mesmu;

bu anus ka ta kaba.

28Fijus di bu servus na kontinua;

se jorson na firmantadu bu dianti.”