2 Tesalonisensis 3 - Portuguese Creole Bible, Guinea-Bissau

Bo ora pa nos

1Pa kabanta, ermons, bo oraEf 6.19 pa nos, pa palabra di Siñor spaja rapidu, pa i dadu balur, suma ki dadu na bo metadi.

2Bo ora tambi pa Deus libranuRom 15.30-31 di omis mau di fiu kabesa, pabia i ka tudu ku ten fe.

3Siñor i fiel; i na fortifika bos, i na guarda bos di kiMat 6.13; 2 Ped 2.9 malvadu.

4No ten fiansa2 Kor 7.16 na Siñor aserka di bos, kuma bo na fasi, bo na kontinua fasi, kil ku no manda bos.

5N pidi pa Siñor diriẑi1 Kron 29.18 bo korson na amor di Deus, ku firmesa ku Kristu ta da.

Obrigason pa tarbaju

6Ermons, no manda bos na nomi di no Siñor Jesus Kristu pa bo lunjusiRom 16.17; 1 Kor 5.11; 2 Jon 10 di tudu ermon ku na yanda na prigisa, ku ka ta sigi nsinamentu ku no dal.

7Abos propi bo sibi kuma ku bo dibi di1 Kor 11.1 remendanu, pabia no ka seduba prigisosu na bo metadi.

8No ka kume na kasa di ningin di grasa, ma no tarbajaKum 3.19; At 18.3; 2 Kor 11.9 ku fadiga; di dia ku di noti no tarbaja, pa ka no sedu kargu pisadu pa nin un di bos.

9I ka kuma no ka tenba diritu di risibi sustentuMat 10.10; 1 Tim 5.17 di bos, ma no fasi asin pa sedu isemplu1 Ped 5.3 pa bo remenda.

10Ocanu ku bos, no da bos e ordi: “Si algin nega tarbaja, i ka dibi di kume tambi.”

11No na fala asin pabia no obi kuma na bo metadi i ten kilis ku na yanda na prigisa, e ka na fasi nada, son miti1 Tim 5.13; 1 Ped 4.15 na vida di utru jinti.

12No na manda fala elis, no pidi na nomi di no Siñor Jesus Kristu, pa e susega, e tarbaja, e sustentaRom 12.11; Ef 4.28; 1 Tes 4.11 se kabesa.

13Abos, ermons, ka bo kansaGal 6.9 fasi ben.

14Si algin ka seta palabra de karta, bo rapara si dunu diritu. Ka bo ten kumitison ku el, pa i pudi burguñu.

15N ka na fala pa bo tratal suma inimigu, ma pa bo konsijalSir 19.17; 1 Tes 5.14; Titu 3.10 suma ermon.

Palabra di kabantada

16Siñor propi, ki fontiRom 15.33 di pas, pa i da bos pas sempri na tudu tempu, na tudu manera. Siñor ta sta ku bos tudu.

17N skirbi es ku ña mon1 Kor 16.21 propi: Manteña di Paulu. Es i manera ku N ta sina tudu karta. I asin ku N ta skirbi.

18FaburRom 16.20 di no Siñor Jesus Kristu ta sta ku bos tudu. Amen.