1Na dias di kabantada,
montaña ku tene kasa di SIÑOR
i na sedu mas altu
di ki tudu montañas ku montis.
Rasas na kuri pa el.
2Manga di nason na bai pa el, e na fala:
“Bo bin, no subi na monti di SIÑOR,
pa kasa di Deus di Jakó,
pa i nsinanuJon 6.45 ke ki misti pa no fasi,
pa no yanda na si kamiñus.”
Lei na sai na Sion;
palabra di SIÑOR na sai na Jerusalen.
3El i na julga manga di rasa,
i na rezolvi disintindimentus
na metadi di nasons forti ku bin di lunju.
E na bidanta se spadasJoe 3.10 radis,
e bidanta se kañakus ŋorotos.
Nason ka na lantanda spada kontra utru nason,
nin e ka na nsina mas gera.
4Kada un na sinta bas di si pe1 Re 4.25; Zak 3.10 di uva,
o bas di si figera;
i ka na ten kin ku na pantanda elis,
pabia i SIÑOR ku ten tudu puder ku fala.
5Tudu nasons na yanda, kada un na nomi di si deus, ma anos, no na yandaZak 10.12 na nomi di SIÑOR no Deus, pa tudu sempri.
Planu di SIÑOR6SIÑOR fala: “Na ki dia N na juntaSal 147.2; Is 43.5; Jer 31.8; Ez 34.13,16; Sof 3.19 mankus ku kilis ku N tira fora di tera, ku kilis ku N trata mal.
7Kilis ku manku ku kilis ku N serka lunju, suma e sedu kilis ku sobra, N na fasi elis un nason forti. SIÑOR na renaIs 9.6; 24.23; Luk 1.33 riba delis na monti di Sion, disna di ki tempu pa sempri.”
8Abo, Jerusalen, tori di bisia karnel, monti di pobu di Sion, renansa na riba pa bo; bu na ten ki puder ku bu tenba.
9Gosi, ke ku manda bu na grita risu ne manera? Nta rei ka ten na bo? O bu konsijaduris muri tudu, ku manda dur toma konta di bo suma minjerIs 21.3; Jer 6.24 ku na padi?
10Pobu di Sion, bo stika kurpu ku dur, suma kil ku na padi, pabia gosi bo na sai na prasa, bo na mora na matu; bo na bai te na Babilonia. La bo na salbadu, pabia SIÑOR na salba bos na mon di bo inimigus.
11Gosi, manga di nason junta kontraMis 2.16 bo. E na fala: “I bon pa i kontaminadu! No misti son ŋumini Sion!”
12Ma elis e ka kunsi pensamentusIs 55.8; Rom 11.33 di SIÑOR, nin e ka ntindi si planu, pabia i junta elis suma maraduras di arus na kau di masa.
13O pobu di Sion, bo lanta, bo masa, pabia N na fasiu suma turu ku tene cifri di feruIs 41.15-16 ku uñas di kobri, pa kebranta manga di nason. Ki se rikesa ngañadu ku tarpasa i na dedikaduIs 23.18 pa mi, SIÑOR di tudu mundu.
Who We AreWhat We EelieveWhat We Do
2025 by iamachristian.org,Inc All rights reserved.
