1Oca ku raiña di Sebá ku pavons.
23Rikesa ku jiresa di Salomon i mas ba kil di tudu utru reis di mundu.
24Jinti di tudu mundu mistiba bin nunde Salomon pa obi jiresa ku Deus puiba nel.
25Tudu jinti ku bin e tisil2 Sam 8.10; Jo 42.11; Mat 2.11 pursenti — kusas di prata ku di uru, kusas di bisti, material di gera, purfumus, kabalus ku burus. Asin ki fasidu kada anu.
26Salomon junta karusKap 4.26 ku kabalus, tok i teneba mil i kuatrusentus karu ku dozi mil kabalu. I leba elis pa prasas di karu, ma utrus fika ku rei na Jerusalen.
27Rei fasi Jerusalen pa i tene prata suma pedra, ku sedrus ciu suma figera brabu ku sta na matu.
28E ta tisiba kabalus pa Salomon di Ejitu ku di Kua. Nogosiantis ta baiba kumpra elis la pa un pres sertu.
29Un karu ku bin di Ejitu ta kustaba sesenta mueda di prata; un kabalu ta kustaba sentu i sinkuenta mueda. E ta manda bindi elis pa reis di eteus ku reis di Siria.
Who We AreWhat We EelieveWhat We Do
2025 by iamachristian.org,Inc All rights reserved.
