Eklesiastis 7 - Portuguese Creole Bible, Guinea-Bissau

Jiresa ku tulesa

1Bon nomiDit 22.1 i minjor di ki ki purfumu mas bonitu; dia di mortuKap 4.2; Is 57.1-2; 2 Kor 5.1,8; Fil 1.21,23; Apok 14.13 i minjor di ki dia ku algin padidu.

2I minjor bai kasa di cur di ki bai kasa di festa, pabia la bu pudi oja fin di tudu omis; jinti bibu dibi di pensa2 Kor 4.17-18 diritu nel.

3Tristesa i minjor di ki ri; i ta pui rostu tristi, ma tambi i ta fasi ben pa korson.

4Korson di jiru sta na kasa di cur, ma korson di tulus sta na kasa di kontentamentu.

5I minjor pui sintidu ora ku algin jiruSal 141.5; Dit 13.18; 17.10; 27.6 na raprindiu, te pa bu sukuta si algin tulu na ngabau ku kantiga.

6Si un tulu na ri, i suma baruju di leña di fidida bas di kasarola. Es tambi iKap 1.2 bakatela.

7Na bardadi, si omi jiru na ngana jinti, i ta torna suma dudu; suku di basSai 23.8 ta pui korson kurumpi.

8Kabantada di un asuntu i minjor1 Re 20.11; Fil 1.6 di ki si kumsada.

Pasensa i minjorDit 14.29 di ki orgulyu.

9Ka bu lestu ku pañaTia 1.19 raiba, pabia algin ku ta guarda raiba dentru del i tulu.

10Nunka ka bu punta: “Ke ku manda dias ku pasa i minjor di ki es?” I ka jiresa e koldadi purgunta.

11Jiresa, suma yardansa, i bon kusa; kilis ku sta di vida e pudi purbita del,

12pabia jiresa iDit 2.7-11; 3.17-18; 9.11 suguransa, suma ku diñeru i suguransa, ma jiresa i mas minjor, pabia i ta da vida pa kil ku tenel.

13Pensa na tarbaju di Deus. Kin ku pudi filanta kusa ku Deus kumpuKap 1.15; Jo 12.14; Is 43.13 tortu?

14Na dia ku kusas na kuri sabi, fikaKap 3.4 kontenti, ma na dia ku kusas na kuri mal, pensa diritu. Deus kumpu es, i kumpu ki utru tambi; asin omi ka pudi sibi ke ku na bin sedu dipus.

15Na tudu ña vida di bakatela N oja e kusa: un justu ku muri na si justisaKap 8.12,14; Jo 21.7-15 ku omi mau ku teneba vida kumpridu na si malvadesa.

16Ka bu sedu justu dimas, nin ka bu sedu jiru dimas; ke ku manda bu na kaba ku bu vida?

17Ka bu sedu mau dimas, nin ka bu sedu tulu. Kuma ku bu na muri antis di bu tempu ciga?

18I bon pa bu pega na un, ma ka bu larga ki utru; kil ku rispita Deus i na kapli des tudu.

19Jiresa ta pui un omi jiru mas fortiKap 9.15-18; 2 Sam 20.16-22; Dit 21.22; 24.5 di ki des ŝef di un prasa.

20Na bardadi i ka ten omi justu na mundu ku ta fasi kil ki sertu, ku nunka1 Re 8.46; Rom 3.23; 1 Jon 1.8-10 ka ta peka.

21Ka bu pui sintidu na tudu palabra ku jinti fala, pa ka bu bin obi bu servu na fala mal di bo,

22pabia bu sibi na bu korson kuma, manga di bias, abo propi bu fala mal di utru jinti.

23N punta-punta es tudu ku jiresa, N fala kuma N na sedu jiru, ma jiresa staba lunjuRom 1.22; 1 Kor 1.20 di mi.

24Kualker kusa ku jiresa sedu, i sta lunju, i funduRom 11.33 dimas; kin ku na ojal?

25N rabida N pui sintidu pa punta, pa buska jiresa, pa ntindi roson, pa sibi kuma malvadesa i kusa di tulesa, tambi pa sibi kuma fasi kusas tulu i dudesa.

26N oja un kusa mas malgos di ki mortu — un minjerDit 2.16 ku si korson i ridia ku armadilia; si mon i korenti. Algin ki bon dianti di Deus i ta kapli del, ma i ta paña kil ku ta fasi pekadu.

27FilósofuKap 1.1 fala: “Jubi, N oja un kusa. Oca N na komparaba un kusa ku utru, pa buska sibi ke ku ten,

28N fika N na buska ma N ka diskubril; N oja un omi bon na metadi di mil, ma N ka oja nin un minjer bon na metadi di tudu minjeris.

29Es son ku N diskubri: Deus kumpu omiKum 1.26-27,31 retu, ma omis ranja manga di komplikason.”