1Oca Isboset, fiju di Saul, obi kuma Abner muri na Ebron, i pirdi animu; tudu Israel panta.
2Isboset teneba dus omi, kapitons di si tropas; nomi di un i Baaná, di utru i Rekab, fijus di Rimon di Beerot, di jorson di Benjamin, pabia Beerot i konsideradu di Benjamin.
3I tenba un tempu ku jinti di Beerot kuri e bai Jitain; e bai fika la te aos.
4Jonatas, fiju di Saul, i teneba un fiju comadu Mefiboset,Kap 9; 19.24-30; 1 Kron 8.34; 9.40 manku na tudu dus pe. I teneba sinku anu di idadi oca noba di Saul ku Jonatas ciga na Jizreel. Minjer ku ta tomaba konta del i lambul, i kuri. Oca ki na janti pa bai, rapas kapli, i kai, i fika manku.
5Rekab ku Baaná, fijus di Rimon di Beerot, e bai me-dia pa kasa di Isboset, e ojal i dita i na durmi, na ora ku sol ta kinti.
6-7E yentra te dentru di kasa, suma e na bai toma trigu, e pasa pa kuartu di durmi nunde ku Isboset dita na kama; e fidil na bariga, e matal, e korta si kabesa, e toma kila, e kapli, e yanda tudu ki di noti na terenu rasu,
8e leba kabesa pa Davi na Ebron, e falal: “Ali kabesaKap 20.21-22; 1 Sam 17.54; 31.9; 2 Re 10.6-8; Mat 14.11 di Isboset, fiju di Saul, bu inimigu ku na buskaba matau. Aos SIÑOR juda Ñu Rei vinga Saul ku si familia.”
9Davi ruspundi Rekab ku si ermon Baaná, fijus di Rimon di Beerot, i fala elis: “N jurmenta na nomi di SIÑOR bibu ku libran di tudu kasabi!
10Ki algin ku bin pa mi na Ziklag, i kontan kuma Saul muri, i pensa kuma i na tisinKap 1.2-16 bon noba, ma N pañal, N mata. Es i pagamentu ku N dal pa si bon noba!
11Ku fadi gora omis malvadu ku mata un omi inosenti riba di si kama na si propi kasa! Nta N ka dibi di torna vingansa na bos pa ki sangiKum 9.6 ku bo darma, pa N kaba ku bos na mundu?”
12Davi da si omis ordi pa e mata elis. E korta elis pe ku mon, e pindra elis lungu di lagua di Ebron. E toma kabesa di Isboset, e nteral na koba di AbnerKap 3.32 na Ebron.
Who We AreWhat We EelieveWhat We Do
2025 by iamachristian.org,Inc All rights reserved.
