Ripitison di Lei 13 - Portuguese Creole Bible, Guinea-Bissau

Kastigu pa adoraduris di idulus

1Ora ku un anunsiadur o suñadur lanta na bo metadi, i anunsia bos un sinal o milagri

2ku bin sedu suma ki fala,Sai 7.22; Apok 13.13-15 si i bin fala bos pa bo bai tras di utru deusis ku bo ka kunsi, pa adora elis,

3ka bo sukuta palabraIs 8.19-20; At 17.11; 1 Kor 14.29; Ef 4.14 di ki anunsiadur o suñadur. SIÑOR bo Deus na probaKap 8.2; Sal 66.10 bos, pa sibi si bo amal ku tudu bo korson ku alma.

4Son tras di SIÑOR bo DeusKap 6.13; 30.20; 2 Re 23.3; Mik 6.8; Kol 1.10 ku bo na yanda; i el ku bo na rispita, i si mandamentus ku bo na obdisi, si palabra ku bo na obi, i el son ku bo na ciga pertu del pa sirbi.

5Ki anunsiadur o suñadur ten kuKap 17.7; 18.20; 21.21; 22.21; 1 Re 18.40; Jer 14.14-15; 28.15-17; 29.21-22; Zak 13.3; Apok 19.20 matadu, pabia i fala bos pa bo ravolta kontra SIÑOR bo Deus, kil ku tira bos di Ejitu, i liberta bos di tera di katiberasku; ki algin buska disvianta bos di kamiñu ku SIÑOR bo Deus manda bos pa bo yanda nel. Asin bo dibi di tira ki mal na bo metadi.

6Si bu ermon ku bu junta mame ku el, o bu fiju macu o femia, o bu minjer ku bu ama, o bu amigu di korson, misti cuciu,1 Re 11.4 i falau na sigridu: “Bin no bai adora utru deusis” (deusis ku nin abo nin bu papes ka kunsi,

7deusis di jinti ku sta na bo roda, pertu o lunju, di un ladu di tera pa utru),

8ka bu seta si palabraDit 1.10; Gal 1.8-9 nin ka bu obdisil. Ka bu ten pena del nin ka bu jubi jitu di salbal, nin di sukundil.

9Bu ten ku matal; bu mon na sedu purmeru kontra elKap 13.5 pa matal, dipus mon di tudu pobu.

10Dal ku pedrasSir 20.2 tok i muri, pabia i buska lunjusiu di SIÑOR bu Deus ku tirau di Ejitu, di tera di katiberasku.

11Asin tudu Israel na obi, e na sinti medu;Kap 17.13; 19.20; 21.21; 1 Tim 5.20 ningin na bo metadi ka na torna fasi un kusa mau suma kila.

12Si bu obi jinti na papia di un di bu prasas ku SIÑOR bu Deus dau pa bu mora nel,

13e fala kuma omis malvadu lanta na bo metadi, e cuci moraduris di prasa, e fala elis: “Bo bin no bai adora utru deusis” (ku nunka bo ka kunsi),

14bu ta punta-punta dirituKap 17.4; 19.18; Num 35.30 pa bu pudi sibi. Si kontra bu ten proba sertu kuma i bardadi ku ki kusa nujenti fasidu na bo metadi,

15bu ten ku toma spada, bu mata tudu jinti ku mora na ki prasa,Ŝef 20.48 bu kaba ku prasa ku tudu kusas ku sta nel, te ku limarias.

16Junta tudu rikesa na metadi di prasa, bu kema prasa ku tudu si rikesas tok i kaba, suma oferta ku kemadu pa SIÑOR bu Deus. I na fika danadu pa sempri; i ka na kumpuduJos 6.26 mas.

17Nada di ki kusas ku kondenadu pa danadu ka na ojadu na bu mon.Kap 7.26 Asin raiba di SIÑOR na para yardi; i na ten pena di bo, i mostrau si miserikordia, i fasiu pa bo ciu, suma ki jurmenta pa bu papes,

18si bu obdisi palabra di SIÑOR bu Deus, ku tudu si mandamentus ku N na dau aos, bu fasi kil ki diritu dianti di SIÑOR bu Deus.