Ripitison di Lei 16 - Portuguese Creole Bible, Guinea-Bissau

Paskua(Sai 12.1-20)

1Guarda festival di PaskuaSai 12.2,41-42 pa SIÑOR bu Deus na mis di Abib, pabia i na ki mis ki tirau di Ejitu di noti.

2Sakrifika karnel o baka di Paskua pa SIÑOR bu Deus na kau ki na kuji pa pui si nomi la.

3Ka bu kume pon ku kumpudu ku fermentu juntu ku karni di Paskua, ma pa seti dia bu na kume pon sin fermentu, ku ta comadu pon di sufrimentu, pa bu pudi ba ta lembra sempri di ki dia ku bu sai kinti-kinti na tera di Ejitu.

4Na ki seti dia i ka na ojadu nin fermentu na tudu bu tera; tambi karni ku bu sakrifika di tardi na purmeru dia i ka pudi sobra tok sol mansi.

5Bu ka pudi sakrifika Paskua na kualker un di bu prasas ku SIÑOR bu Deus dau,

6ma son na kau ku SIÑOR bu Deus na kuji pa pui si nomi la. La ku bu na sakrifika Paskua, di tardi, ora ku solNum 9.3 na noti, na aniversariu di bu saida di Ejitu.

7Yasal, bu kume na kau ku SIÑOR bu Deus kuji; parmaña bu ta riba pa bu kau.

8Duranti seis dia bu na kume pon ku ka tene fermentu; na setimu dia bu na tene juntamentu pa SIÑOR bu Deus; bu ka na fasi nin un tarbaju na ki dia.

Festival di kebur, di semanas o di Pentekostis(Sai 34.22; Sir 23.15-21)

9Disna di dia ku bu pui ŋoroto na kebur, kumsa fasi konta di setiSai 23.16; Num 28.26-30; 1 Kor 16.8 semana.

10Dipus bu ta fasi festival di semanas pa SIÑOR bu Deus, bu leba oferta di bu libri vontadi, konformi benson ku SIÑOR bu Deus bensuau ku el.

11Abo, bu fijus macu ku femia, bu katibus macu ku femia ku levita ku sta na bu prasa, ku stranjeru ku orfan ku viuva ku sta na bu kau, bo ta kontentiKap 12.7 dianti di SIÑOR bu Deus na kau ki kuji pa pui si nomi la.

12Lembra kuma bu seduba katibu na Ejitu, bu obdisi tudu e regras.

Festival di barakas(Sir 23.33-43)

13Dipus di bu kaba masa miju, bu pirmi uvas, bu ta guarda festival di barakasNum 29.12 pa seti dia,

14bu kontenti na ki festival, abo ku bu fijus macu ku femia, bu katibus macu ku femia, ku levita, stranjeru, orfan ku viuva ku sta na bu prasa.

15Bu na guarda seti dia di festival pa SIÑOR bu Deus na kau ki na kuji, pabia SIÑOR bu Deus na bensuau na tudu bu kebur ku tudu bu tarbaju; pa kila bu dibi di sta kontenti.

16Tudu omi ten ku pursenta dianti di SIÑOR bu Deus tris biasSai 23.14-17; 34.22-23 kada anu, na kau ku SIÑOR kuji: na festival di pon sin fermentu, festival di semanas ku festival di barakas. E ka na pursenta na ki festival dianti di SIÑOR mon limpu.

17Kada kin i na leba oferta konformi benson ku SIÑOR Deus dal.

Juisis

18Pui juisis ku funsionarius pa kada jorson na portonKap 17.5; 21.19; 25.7; Sai 18.21; Rut 4.1; Jo 29.7; Dit 31.23; Am 5.15; Zak 8.16 di tudu prasas ku SIÑOR bu Deus dau, pa e julga pobu ku justisa.

19Ka bu tursi justisa,Sai 23.2,6-8; Sir 19.15; 1 Sam 12.3; Ekl 7.7; Ab 1.4; Sof 3.3-5 ka bu fasi skuju di jinti, nin ka bu seta suku di bas, pabia suku di bas ta sega uju di jinti jiru, i ta tursi palabra di justus.

20Justisa diritu, el son ku bu na fasi, pa bu pudi vivi, bu kontinua tene bu yardansa na tera ku SIÑOR bu Deus na dau.

21Ka bu firmanta kualker po dedikadu pa AseráKap 7.5; Sai 34.13; Ŝef 6.25; 1 Re 14.15; 16.33; 2 Re 17.16; 21.3-5,7; 2 Kron 33.3; Mik 5.14 lungu di altar ku bu kumpu pa SIÑOR bu Deus,

22nin ka bu lantanda kulunaSir 26.1 sagradu, pabia SIÑOR bu Deus nuju ki kusas.