1Es i palabra di kondenason ku SIÑOR papia kontra tera di Adrak, ku prasa diAm 1.3 Damasku, pabia uju di tudu jinti, ku tudu jorsons di Israel, sta na SIÑOR.
2Tambi kondenason sta riba diNum 34.8; Is 23.1,4 Amat (ku junta frontera ku Adrak) ku Tiru ku Sidon, mesmu ke sedu jiru dimas.
3Tiru kumpu kaus forti, i junta prata ciu suma puera, ku uru finu ku laga suma lamaJo 27.16-17; Ez 28.4-5 di rua,
4ma SIÑOR na tiral si rikesas, i na kabaEz 26.17 ku si puder na mar; prasa na kemadu ku fugu.
5Prasa di AskelonJer 47.1,4-5; Sof 2.4 na ojal, i na sinti medu; Gaza na tene dur forti, suma Ekron tambi, pabia si speransa na pirdi. Gaza na pirdi si rei; Askelon ka na tene kin ku na mora nel.
6Jinti di rasa misturadu na mora na Asdod. SIÑOR na kabaAm 1.8 ku orgulyu di filisteus.
7I na tira sangi di se sakrifisius na se boka, ku kumida nujenti na se dintis. Filisteus ku sobra na pertensi no Deus, e na sedu suma un jorson na Judá. Moraduris di Ekron na bin sedu di Israel, suma jebuseus.
8SIÑOR fala: “N na kampa na rodaKap 2.5; Sal 34.7 di ña kasa pa difindil kontra tropas, pa ka ningin pasa, nin pa i riba; pa ka ningin pasa mas riba di ña pobu pa kalka elis, pabia N na bisia.”
Rei di Sion9Prasa di Sion, fika kontenti!
Prasa di Jerusalen, kanta ku alegria!
Ali bu reiMat 21.5 na bin pa bo,
Salbadur justu, umildi, montadu na un buru,
montadu na fijusiñu di buru.
10N na kaba ku karus di Israel ku kabalus di Jerusalen;
mansasa di gera na danadu.
Bu reiSal 72.8; Os 2.18; Mik 5.10; Ef 2.14-17 na anunsia pas pa nasons;
si renu na bai di un mar pa utru mar,
desdi riu Eufrates te na utru ladu di mundu.
11Ma abo, Sion, pabia di sangiSai 24.8; Is 61.1 di bu kontratu,
N tira bu katibus na katiberasku,
nunde ke staba suma na un koba ku ka tene yagu.
12Abos, katibusIs 49.9; 61.7 ku tene ja speransa,
bo riba pa kau di suguransa.
Aos N na anunsia bos kuma
N na torna bos dus bias mas di ki kil ku bo pirdiba.
13N na fasi Judá suma mansasa,
N na incil ku Efrain suma fleŝa.
O Sion, N na disperta bu fijus pa e bai kontra fijus di Gresia;
N na fasiu suma spada di omi di gera.
14SIÑOR na ojadu riba di fijus di Sion;
i na manda si fleŝas suma relampagu.
SIÑOR Deus na toka trombeta,
i na marŝa ku turbadas di sul.
15SIÑOR ku ten tudu puder na guarda si pobu;
e na ngaña, e na kaba ku pedras di lamparan.
E na grita suma jinti ku cami biñu;
e na darma sangiSir 4.7,18,25 ciu suma kil ku ta inci tiẑelas,
pa pudu na kantus di altar.
16SIÑOR se Deus na salba elis na ki dia,
suma koral di si pobu.
E na lampra na si tera
suma pedras di balurMal 3.17 na un koroa.
17Se bondadi na sedu garandi!
E na bonitu dimas!
Trigu na pui jovens pa e kirsi, e sedu forti;
biñu nobuJoe 3.18; Am 9.14 na fasi mesmu pa bajudas.
Who We AreWhat We EelieveWhat We Do
2025 by iamachristian.org,Inc All rights reserved.
