Amos 1 - Portuguese Creole Bible, Guinea-Bissau

1Es i palabras di Amos, un di bakiadurisKap 7.14 di Tekoa, ku konta kil ki oja aserka di Israel na un vison, na tempu diIs 1.1 Uzias, rei di Judá, ku Jeroboan, fiju di Jeoás, rei di Israel, dus anu antis di tirmiduraZak 14.5 di tera.

2Amos fala:

“SIÑOR na papia risuJer 25.30 na Sion,

na Jerusalen i na papia suma turbada.

Cur ten na kau di bakiaduris;

riba di monti Karmelu paja seku.”

Julgamentu di Siria

3Asin ku SIÑOR fala: “Pabia di pekadu di pobu di Damasku1 Re 11.23-25; Is 17.1 ke torna buri manga di bias, N ka na purda elis, pabia e masa2 Re 10.32-33; 13.7 pobu di Jilead ku dintis di feru.

4Pabia di kila, N na pui fugu na kasa di rei2 Re 8.7-15 Azael, ku na kaba ku kuartelis di rei Ben-Adad.

5N na kebra portons di prasa di Damasku, N na kaba ku moraduris di kobon di Aven, ku kil ku tene bingala di renansa di Bet-Eden. Pobu di Siria na lebadu katibuKap 9.7; 2 Re 16.9 pa Kir.” Asin ku SIÑOR fala.

Julgamentu di Filistia

6Asin ku SIÑOR fala: “Pabia di pekadu di pobu di prasa di GazaJos 13.3; 2 Kron 28.18 ke torna buri manga di bias, N ka na purda elis, pabia e leba katibu tudu jinti di un area, e ntrega elis pa Edon.

7Pabia di kila N na pui fugu na mura di Gaza ku na kaba ku se kuartelis.

8N na mataJer 47.4-5; Ez 25.15-17; Sof 2.4; Zak 9.5-6 moraduris di Asdod, ku kil ku tene bingala di renansa di Askelon. N na vira ña mon kontra prasa di Ekron tok filisteus kaba muri tudu.” Asin ku SIÑOR Deus fala.

Julgamentu di Tiru

9Asin ku SIÑOR fala: “Pabia di pekadu di pobu di TiruJos 19.29 ke torna buri manga di bias, N ka na purda elis, pabia e leba katibu tudu jinti di un area, e ntrega elis pa Edon. E ka lembra di kontratu di ermondadi.

10Pabia di kila, N na pui fugu na mura di Tiru ku na kaba ku se kuartelis.”

Julgamentu di Edon

11Asin ku SIÑOR fala: “Pabia di pekadu di pobu di EdonKum 25.30; Num 20.14-21; 2 Kron 28.17; Jer 49.7-22; Ez 35; Mal 1.2-4 ke torna buri manga di bias, N ka na purda elis, pabia e pirsigi se ermon, ku sedu jorson di Jakó, ku spada, e fica se korson kontra el. Se raiba ka tene kontrolu; kaba e ta guardal pa sempri.

12Pabia di kila, N na pui fugu na prasa di TemanKum 36.15,33 ku na kaba ku kuartelis di Bozra.”

Julgamentu di Amon

13Asin ku SIÑOR fala: “Pabia di pekadu di fijus di AmonJer 49.1-6 ke torna buri manga di bias, N ka na purda elis, pabia e yabri bariga di preñadas di Jilead, oca ke na geria pa buri se tera.

14Pabia di kila, N na pui fugu na mura di prasa di RabáLei 3.11 ku na kaba ku se kuartelis. Tropas na grita na dia di gera, na metadi di bentu forti na dia di turbada.

15Se rei, juntu ku si ŝefis, na bai pa katiberasku.” Asin ku SIÑOR fala.