Salmus 112 - Portuguese Creole Bible, Guinea-Bissau

1Bo ngaba SIÑOR!

Sortiadu i ki omi ku rispita SIÑOR,

ku ta kontenti ku si mandamentus.

2Si fijus na ten puder na tera,

pabia jorson di omi retu na bensuadu.

3Si kasa na inci ku rikesaMat 6.33 ku tudu kusas bon;

si retidon na kontinua pa sempri.

4Mesmu na sukuru, lus ta nasi pa jinti retu,

pa algin ki bon, i justu, i ta sinti pena.

5Kusas na kuri ben ku omi ku ta pistaLuk 6.35 ku si libri vontadi,

ku ta trata si kusas ku retidon.

6Nunka i ka na bulbulidu;

un omi justu na lembradu pa sempri.

7I ka na ten medu di notisia mau;

si korson sta firmi, ku fiansa na SIÑOR.

8Si korson sta suguru; i ka na medi,

tok i pudi oja si inimigus batidu.

9I ta da ciuDit 11.24-25; 19.17; 22.9; 2 Kor 9.9 pa koitadis;

si retidon na kontinua pa sempri;

i na garandisidu ku gloria ku puder.

10Omi mau na oja kila, i na paña raiba,

i na ñeme dintis, i na magrisi.

Kusas ku jinti mau na pera ka na da rusultadu.