1O SIÑOR! I ta bon ba si bu findi seu, bu ria, pa montis tirmi bu dianti,
2suma ora ku fugu sindi na leña, i pui yagu pa i firbi! Asin bu ta pui bu inimigus pa e kunsi bu nomi; nasons ta tirmi bu dianti!
3Oca bu ta riaba, bu fasi kusas meduñu ku no ka spera; montañas ta tirmibaŜef 5.4-5; Ab 3.6 bu dianti.
4Disna di tempu antigu i ka obidu, nin i ka ntindidu ku sintidu, nin i ka ojadu ku uju, kualker Deus fora di bo ku ta tarbaja pa kilisSal 31.19; 1 Kor 2.9 ku ten speransa nel.
5Bu ta sai pa da kontrada ku kilis ku ta fasi kusa dirituAt 10.35 ku kontentamentu, kilis ku ta lembra di bo ku bu nsinamentus. Kontudu bu paña raiba, no fika no na peka son. No pudi sedu salbu me?
6Anos tudu no sedu suma algin impuru; tudu kusas justu ku no fasi i suma rataju susu dimas. Anos tudu no na lati suma paja; no kulpas na rabatanu suma bentu.
7I ka ten ningin ku ta coma bu nomi, ku ta disperta pa pañau, pabia bu sukundi bu rostu di nos, bu pui pa no ribi, pabia di no pekadus.
8Ma gosi, o SIÑOR, bu sedu noKap 63.16 Pape; anos i lama, abo bu sedu suma kumpudurKap 29.16; Jer 18.6; Ef 2.10 di puti; anos tudu i tarbaju di bu mon.
9O SIÑOR, ka bu paña raiba dimas, nin ka bu lembra di no pekadu pa sempri. No pidiu pa bu jubi pa nos tudu, ku sedu bu pobu.
10Bu prasas sagradu torna suma lala; Sion propi i suma lala, Jerusalen bandonadu.
11No gloriosu kasa sagradu, nunde ku no papes ta ngabauba, i kemadu2 Kron 36.19 ku fugu. Tudu no kusas di balur danadu.
12O SIÑOR, nta bu na pera inda sin fasi nada aserka de mal? Bu na fika kaladu, bu kastiganu mas di ki kil ku no pudi nguenta?
Who We AreWhat We EelieveWhat We Do
2025 by iamachristian.org,Inc All rights reserved.
