Neemias 1 - Portuguese Creole Bible, Guinea-Bissau

Orason di Neemias

1Es i palabra di Neemias, fiju di Akalias.

Na mis di Kisleu, na anu vintiEsd 7.7 di renansa di Artaserksis, ami, Neemias, N staba na palasiuEst 1.2; 3.15; Dan 8.2 na Susan.

2Anani,Kap 7.2 un di ña ermons, i bin di Judá ku utru omis. N punta elis aserka di Jerusalen, tambi di judeus ku kapli e riba di katiberasku.

3E falan: “Kilis ku sobra di katiberasku ku sta la na pruvinsia di Judá e sta na garandi kasabi; jinti ta njuti elis. Mura di Jerusalen2 Re 25.10 kai; si portons kemadu ku fugu.”

4Oca ku N obi ki kusas, N sinta, N cora. Duranti dias N miskiña, N junjuŋa, N ora dianti di Deus di seu.

5N fala: “SIÑOR, Deus di seu, DeusKap 4.14; 9.32; Lei 7.9,21; Dan 9.4 garandi, meduñu, ku sedu bon i fiel na guarda kontratu ku kilis ku amau, ku ta obdisi bu mandamentus,

6jubi pa mi, bu yabri2 Kron 6.40; Sal 55.17 oreja, bu obi orason di bu servu ku N na fasi bu dianti aos, di dia ku di noti, pa fijus di Israel, bu servus. N konfesaEsd 9.6-7; Dan 9.4,20 pekadus ku anos fijus di Israel no fasi kontra bo; ami tambi ku familia di ña pape no peka.

7Na bardadi no yara ciu kontra bo; no ka obdisi mandamentus nin leisLei 5; 28.15 nin ordis ku bu da bu servu Moisés.

8“Lembra ke ku bu konta bu servu Moisés, bu falal: ‘Si bo kebra ña lei, N na pajigaSir 26.33 bos na metadi di utru nasons,

9ma si bo riba pa mi, bo fasi kil ku N mandaLei 4.29-31 bos, nin si bo fijus pajigadu te na utru ladu di mundu, N na tira elis di la, N junta elis, N tisiEz 36.24 pa lugar ku N kuji pa ña nomi fika nel.’

10“Esis i bu servus, bu pobuSai 6.7; Sir 22.33 ku bu liberta ku bu garandi puder ku bu mon forti.

11SIÑOR, yabri bu oreja pa orason di bu servu, tambi pa orason di utru bu servus ku misti rispita bu nomi. Judan aos, bu pui na korson de omi pa i mostran fabur.”

Ña tarbaju seduba ntrega rei kopu.