Ŝefis 14 - Portuguese Creole Bible, Guinea-Bissau

Kasamenti di Sanson

1Sanson ria pa Timnat,Jos 15.10 i oja la un minjer filisteu.

2I riba, i bai konta si pape ku si mame, i fala elis: “N oja un minjer filisteu na Timnat. Bo bai buskan elKum 34.4 pa N kasa.”

3Si pape ku si mame puntal: “Nta i ka ten minjer na metadi di bu parentis ku tudu no pobu? Pabia di ke ku bu na bai toma un minjer filisteu, ki jintiKum 17.10-11; 34.14; Sai 34.15-16 ku ka sirkunsidadu?” Sanson fala si pape: “Bo bai buskan el, pabia i el ku N gosta del.”

4Si pape ku si mame ka sibiba kuma SIÑORKap 13.1; Jos 11.20; 1 Re 12.15; 2 Kron 22.7; 25.20 na tarbaja ne kusa, pabia i na buskaba manera di geria ku filisteus, manera ke dominaba Israel na ki tempu.

5Sanson ku si pape ku mame e ria pa Timnat. Oca ki ciga na orta di uva di Timnat, un fiju di lion sai pa bin kontra ku el, i na pupa.

6Spiritu di SIÑOR toma konta delKap 3.10; 1 Sam 17.34-37; Zak 4.6 ku forsa, tok i findi lion di riba pa bas, sin nada na mon, suma kin ku na findi fiju di kabra, ma i ka konta si pape nin si mame kusa ki fasi.

7I bai kombersa ku ki minjer, i gosta del.

8Dipus di sertu tempu i riba pa bai kasa ku el. I sai na kamiñu pa bai jubi kadaver di ki lion. Ki kadaver teneba bagera ku mel.

9I tira ki mel ku si mon, i na kumel pa bai, i paña si pape ku si mame, i da elis mel; e kume. Ma i ka konta elis kuma i tiraba ki mel na kadaver di lion.

10Si pape bai pa kau di ki minjer. Sanson fasi festa la, suma ku jovens kustuma ta fasi.

11Oca ke ojal, e tisil trinta rapas pa e sta juntu ku el.

12Sanson fala elis: “N na bota bos un adiviña. Si bo sertal na seti diaKum 29.27 di kasamenti, N na da bos trinta lensol di liñu ku trinta komple.Kum 45.22; 2 Re 5.5,22

13Si bo ka pudi sertal, bo na dan trinta lensol di liñu ku trinta komple.” E falal: “Kontanu ki adiviña; no misti obil.”

14I ruspundi elis:

“Kusa di kume sai na kumedur;

kusa meladu sai na kusa forti.”

Te tris dia e ka pudi serta adiviña.

15Na kuartu dia e fala minjer di Sanson: “Ngoda bu omiKap 16.5 pa i konta adiviña pa no pudi sibil. Si i ka asin, no na kemauKap 12.1; 15.6 ku tudu familia di bu pape. Bo comanu li pa robanu no kusas, i ka asin?”

16Minjer di Sanson bai cora si dianti, i falal: “Abo bu ka gosta di mi; bu ka ten nin amorKap 16.15 pa mi, pabia bu da ña parentis un adiviña, nin bu ka splikan el.” I falal: “N ka konta nin ña pape nin ña mame. Nta N na bin kontau gora?”

17I cora pa el tudu ki seti dia di festa di kasamenti. Na setimu dia i bin kontal pabia i na ŝatialba ciu. Asin i bai konta si parentis rasposta di ki adiviña.

18Na setimu dia, antis di sol kai, omis di ki prasa punta Sanson: “Kal kusa ku mas mela di ki mel? O kal kusa ku mas forti di ki lion?” I fala elis: “Si bo ka labraba ku ña baka, nunka bo ka na sibi e adiviña.”

19Spiritu di SIÑOR bin riba di SansonKap 14.6 ku forsa. I bai pa Askelon, i mata trinta omi di la, i toma se ropa, i da komples pa kilis ku splikalba ki adiviña. I paña raiba, i bai pa kasa di si pape.

20Si minjer dadu pa un rapas ku seduba kavalyeru di Sanson.