Ripitison di Lei 1 - Portuguese Creole Bible, Guinea-Bissau

Ordi pa sai na Oreb

1Es i palabra ku Moisés fala pa tudu Israel na lala, na utru banda di Jordon, na kobon dianti di Suf, na metadi di Paran ku Tofel, Laban, Azerot ku Di-Zaab.

2I ta leba onzi dia di Oreb pa Kades-Barneia,Kap 2.14; 9.23; Num 13.26 na kamiñu di montañas di Seir.

3Na purmeru dia di mis di 11, na anuNum 33.38 40, Moisés konta fijus di Israel tudu ku SIÑOR dalba ordi aserka delis.

4Es i dipus ki ngaña Sion, rei di amoreus ku moraba na Esbon;Num 21.31-35 i ngañaba tambi Og, rei di Basan, na Edrei; kila moraba na Astarot.

5Na utru banda di Jordon, na tera di Moab, Moisés kumsa na konta e lei, i fala:

6Ocanu na Oreb, SIÑOR no Deus falanu: “Tempu ku bo pasa li ne monti i justaKap 2.3 ja.

7Bo ruma, bo pega kamiñu, bo bai pa montaña di amoreus, ku tudu lugaris lungu del, pa bulaña di Jordon, pa montis, pa kobon, pa reẑion di sul, pa lungu di mar, pa tera di kananeus, pa Líbanu, te na riu garandi ku sedu riu Eufrates.

8Ali N pui e tera bo dianti; bo yentra bo tomal. I tera ku SIÑOR jurmentaKum 12.7 pa da bo papes Abraon, Isak ku Jakó pa i sedu di selis ku se jorson dipus delis.”

Moisés kuji juisis(Sai 18.13-27)

9Na ki tempu N fala bos: “N ka na pudi leba bos, ami son.Num 11.11-15

10SIÑOR bo Deus aumenta ja bo numeru; aos bo ciu suma strelasKum 15.5 na seu.

11SIÑOR Deus di bo papes pa i buri bo numeru2 Sam 24.3 te mil bias mas di ki kil ku bo sedu gosi; pa i bensuaKum 12.2; Num 6.24 bos suma ki fala!

12Ma ami son, kuma ku N pudi nguenta kargu di bo purblemas1 Re 3.8-9 ku bo keŝas?

13Bo kuji omis jiru, ntindidu, ku tenSai 18.21-26; Num 11.16-17 spiriensia, di kada un di bo jorsons, pa N pudi pui elis suma kabesas riba di bos.”

14Bo ruspundi bo falan: “I bon pa no fasi suma ku bu fala.”

15Asin, N toma ki ŝefis ku bo kuji di bo jorsons, omis jiru, ku ten spiriensia, N pui elis riba di bos, pa e sedu ŝefis di grupus di mil, di sen, di sinkuenta ku di des, ku utrus pa e sedu gubernaduris di bo jorsons.

16Na ki tempu N da bo juisis e ordi: “Bo obi purblemas ku ta lanta na metadi di bo ermons, bo fasi justisaKap 16.18-20; 24.17; Sir 19.15; Ez 18.8; Zak 8.16; Jon 7.24 diritu, nin si i na metadi di ermons di Israel, o na metadi di un delis ku ospri.

17Ora ku bo na fasi justisa, ka bo fasi skujuKap 10.17; 24.17; 1 Sam 16.7; 2 Kron 19.6-7; Sal 82.3-4; Dit 22.22-23; Mat 22.16; At 10.34-35; Rom 2.11; Ef 6.9; Kol 3.25; Tia 2.1-9; 1 Ped 1.17 di jinti; bo na sukuta koitadis na mesmu manera ku bo ta sukuta jinti garandi. Ka bo medi ningin, pabia justisa ku bo na fasi i di Deus. Si kontra un kasu i kansadu dimas pa bos, bo ta tisin elKap 17.8-10; Sai 18.22 pa N obil.”

18Asin na ki tempu N nsina bos tudu kusas ku bo dibi di fasi.

Spions mandadu pa Kanaan(Num 13.1-33; 14.20-45)

19SIÑOR no Deus mandanu pa no sai na Oreb. Asin no pega kamiñu, no yanda na tudu ki garandi lala meduñuKap 8.15; Num 10.12; Jer 2.6 ku bo oja na kamiñu pa montañas di amoreus, tok no kansa no ciga na Kades-Barneia.

20N fala bos: “Bo ciga ja na montañas di amoreus ku SIÑOR no Deus na danu.

21Ali tera ku SIÑOR bo Deus pui bo dianti; bo bai bo tomal, suma ku SIÑOR Deus di bo papes fala. Ka bo medi,Kap 20.1 nin ka bo panta.”

22Abos tudu bo bin pa mi, bo fala: “I bon pa no manda omis pa e bai purmeru pa jubi kuma ku tera sta; dipus e ta bin kontanu pa kal kamiñu ku no dibi di bai, ku prasas ku no na oja la.”

23N oja kuma es i bon ideia, N tira na bo metadi dozi omi, un di kada jorson.

24E sai, e bai pa montaña, e ciga na kobon di Eskol, e jubil diritu.

25E tisinu fruta di la, e bin e falanu: “Tera ku SIÑOR no Deus na danu i bon dimas.”

26Ma bo ravolta kontra ordi di SIÑOR no Deus, bo nega bai.

27Bo ŋuniŋuni na bo tendas, bo fala: “SIÑOR ka gostaKap 9.28 di nos; e ku manda i tisinu di tera di Ejitu pa ntreganu na mon di amoreus pa e kaba ku nos.

28Gosi, pa nunde ku no na bai? No ermons pui pa no pirdi koraẑen manera ke falanu: ‘Ki pobu i mas forti, i mas altu di ki nos; se prasas garandi, ku murasKap 3.5 te na seu! No oja tambi fijus di jigantis la.’ ”

29N fala bos: “Ka bo panta, nin ka bo ten medu delis.

30SIÑOR bo Deus ku ta bai bo dianti, el ku na geriaKap 3.22; 20.1-4; Sai 14.14,25; Jos 10.42 pa bos, suma ki fasi pa bos na Ejitu, dianti di bo uju.

31Na lala tambi bo oja kuma ku SIÑOR bo Deus leba bosKap 32.11-12; Sai 19.4; Is 40.11; 46.3-4; 63.9; Os 11.3 na tudu kamiñu ku bo yanda, tok i ciganta bos ne kau li, suma ku un omi ta leba si fiju.”

32Nin ku ’sin, bo ka fiansaSal 106.24; Jud 5 na SIÑOR bo Deus,

33kil ku bai bo dianti na tudu e kamiñu, na fuguSai 13.21-22 di noti, na nuven di dia, pa buska kau nunde ku bo dibi di pui kampamentu nel, pa mostra bos kamiñu ku bo dibi di yanda.

34SIÑOR obi ke ku bo fala, i pañaNum 32.8-13 raiba, i jurmenta i fala:

35“Nin un omi de manjuandadi malvadu ka na oja ki bon tera ku N jurmenta da bo papes;

36uniku algin i Kaleb, fiju di Jefoné; el i na ojal; ki tera ki masa ja ku si pe, N na dal el, ku si fijus, pabia i kontinua na yanda ku mi di korson.”

37Pabia di bos, SIÑOR paña raiba di mi, i falan: “Abo tambi bu ka na yentraNum 20.12 la,

38ma bu judadur, Josué,Kap 3.28; Sai 17.9 fiju di Nun, i na yentra la. Nkoraẑal, pabia i el ku na leba Israel pa e yarda ki tera.”

39Dipus Deus falanu: “Bo mininus ku bo fala kuma e na lebadu prezu, e bo fijus ku aos e ka sibi diferensia ben ku mal, i elis ku na yentra la; ami N na da elis ki tera pa e tenel,

40ma abos, bo rabida, bo pega kamiñu di Mar Burmeju, bo bai pa lala.”

41Bo ruspundi bo falan: “No peka kontra SIÑOR; gosi no na bai geria, suma ku SIÑOR no Deus mandanu pa no fasi.” Bo toma kada kin si material di gera, bo pensa kuma i ka kansadu pa subi la na montaña.

42SIÑOR falan pa N fala bos: “Ka bo bai geria, pabia N ka na sta ku bos. Si bo bai, bo inimigus na ngaña bos.”

43Asin N konta bos, ma bo ka obi; bo ravolta kontra ordi di SIÑOR. Ku bo orgulyu bo lanta bo subi pa montaña.

44Amoreus ku moraba na ki montaña e sai kontra bos, e serka bos suma bagera te na Orma, e ngaña bos na Seir.

45Bo riba, bo cora dianti di SIÑOR, ma i ka sukuta bos, i bida surdu pa bo cur.

46Asin bo fika manga di tempu na Kades; bo tarda la.