1SIÑOR bin papia ku Jeremias oca ku rei Zedekias manda Pasur, fiju diKap 38.1 Malkias, pa el, ku Sofonias, fiju diKap 29.24-25,29; 37.3; 2 Re 25.18 saserdoti Maaseias, ku e pididu:
2“Punta SIÑOR pa nos, pabia Nabukodonosor, rei di Babilonia, i na geria kontra nos. I pudi sedu ku SIÑOR na tratanu konformi si maravilyas, i pul pa i sai no tras.”
3Jeremias fala elis: “Bo konta Zedekias
4kuma SIÑOR, Deus di Israel, fala: ‘N na pui bo material di gera pa i sta kontra bos, kil ku sta na bo mon, ku bo na geria ku el kontra rei di Babilonia ku si tropas ku sta fora di muras, e na taja bos. Ami N na junta elis dentru de prasa.
5N na geria kontra bos ku forsa ku mon distindidu, ku ña raiba garandi ku na yardi.
6N na mata kilis ku mora ne prasa, omis tudu ku limarias; e na muri ku duensa meduñu.
7Ami, SIÑOR, N fala kuma N na ntregaKap 37.17; 39.5; 52.8-9 Zedekias, rei di Judá, ku si ŝefis, ku pobu ku kapli di duensa, gera ku fomi, na mon di Nabukodonosor, rei di Babilonia, ku se inimigus ku na buska mata elis. I na mata elis ku spada; i ka na purda, nin i ka na sinti penaLei 28.50; 2 Kron 36.17 o miserikordia delis.’ ”
8Deus fala Jeremias: “Konta e pobu kuma SIÑOR fala: ‘N na pui bo dianti kamiñu di vidaLei 30.19 ku di mortu.
9Kin ku fika na prasaKap 38.2,17-18,23 i na muri di spada, fomi o duensa, ma kin ku sai, i bai roga na tropas di Babilonia ku taja bos, i ka na muri, i na salba si vida.
10N pui ña rostu kontra e prasa pa mal, i ka pa ben. I na ntregadu na mon di rei di Babilonia; el i na kemalKap 32.29; 34.2,22; 37.8,10; 52.13 ku fugu. Asin ku ami, SIÑOR, N fala.’
11“Jeremias, Bu na papia ku jinti di kasa di rei di Judá, bu fala elis: ‘Bo obi palabra di SIÑOR.
12O familia di Davi, asin ku SIÑOR fala: Bo julgaKap 22.3; Zak 7.9 parmaña ku justisa. Kil ku si kusas robadu, bo libral na mon di kil ku na fasil mal. Si bo ka fasi asin, ña raiba na rebenta suma fugu ku na yardi sin i ka ten kin ku na pagal, pabia di maldadi ku bo na fasi.
13Ami, SIÑOR, N fala kuma N sta kontra bo, Jerusalen, ku sinta na pedra ku lanta na bulaña; N sta kontra bos ku na punta: “Kin ku na binKap 49.4 kontra nos? Kin ku pudi yentra na no kau forti?”
14N na kastiga bos konformiDit 1.31; Is 3.10-11 kusas ku bo ta fasi. N na sindi fuguKap 52.13 na bo matu ku na kaba ku tudu ku sta na si roda. Asin ku ami, SIÑOR, N fala.’ ”
Who We AreWhat We EelieveWhat We Do
2025 by iamachristian.org,Inc All rights reserved.
