Salmus 148 - Portuguese Creole Bible, Guinea-Bissau

1Bo ngaba SIÑOR!

Bo ngaba SIÑOR la na seu;

bo ngabal la riba.

2Abos, tudu si anjus, bo ngabal,

tudu si tropas di seu, bo ngabal.

3Sol ku lua, bo ngabal;

tudu strelas ku ta numia, bo ngabal.

4Seu ku sta riba1 Re 8.27; 2 Kor 12.2 di seu,

ku yagu ku sta riba di seu, bo ngabal.

5Pa tudu e kusas ngaba nomi di SIÑOR,

pabia el i daEb 11.3 ordi; logu e sedu.

6I firmanta elis pa tudu sempri,

i da elis un leiJer 33.25 ku ka na pasa.

7Abos di tera, bo ngaba SIÑOR,

abos baleias, ku tudu kau fundu;

8fugu, cuba di pedra, nevi, serenu,

bentu forti ku ta obdisi si palabra;

9montañasIs 49.13 ku tudu montisiñus,

arvuris di fruta ku tudu sedrus;

10limarias brabu, ku bakas,

limarias ku ta rasta ku kacus ku ta bua;

11reis di mundu ku tudu se pobu,

ŝefis ku tudu juisis di mundu;

12rapasis ku bajudas, bejus ku mininus,

13pa e ngaba nomi di SIÑOR,

pabia si nomiIs 12.4; Fil 2.9 sta riba, el son;

si gloria sta riba di tera ku seu.

14I lantanda un rei pa si pobu,

ku elis tudu e na ngaba;

Israel, un nason pertuEf 2.17; 1 Ped 2.9 di si korson, i na ngabal.

Bo ngaba SIÑOR!