Jo 20 - Portuguese Creole Bible, Guinea-Bissau

Zofar konta aserka di kastigu di jinti mau

1Zofar di Naama ruspundi i fala:

2“Suma ña pensamentus na kansan,

N ten ku janti pa ruspundi.

3N obi manera ku bu raprindinu,

N sinti suma bu faltan rispitu,

ma N tene un spiritu di ntindimentu

ku na ruspundi pa mi.

4“Sertamenti bu sibi kuma ki sta disna di tempu antigu,

disna ku omi pudu ne mundu.

5Kontentamentu di jinti mau, ku finjiduris,

i son puku tempu.

6Mesmu ku si orgulyuKum 11.4-6; Is 14.13-14; Ob 3-4; Mat 11.23 ciga na seu,

si kabesa bai te na nuvens,

7i na pirdi ntidu suma kusa ku bentu leba.

Kilis ku kunsil e na punta: ‘Nunde el?’

8I na bua, i disparsi suma suñu,

suma vison di di noti ku ka na ojadu mas.

9Kilis ku ojal, e ka na torna ojal mas;

i ka na ojadu mas na si kau.

10Si fijus na buska fasi pas ku koitadis,

e na torna elis se rikesa.

11Si kurpu ku inciba ku forsa di nobresa

i na bin bida reia.

12“Mal ta melaKap 15.16; Sal 10.7 na si boka;

i ta sukundil bas di si lingua;

13i ka pudi largal,

ma i guardal na si boka.

14Ma ki kumida na bida malgos na si stomagu,

i na sedu suma venenu di kobra dentru del.

15I nguli rikesa ma i na ramasal;

Deus na tiral na si bariga.

16I na cupa venenuRom 3.13 di kobra;

boka di vibura na matal.

17I ka na oja rius ku riusiñus

ku na darma mel ku mantega.

18I na torna kil ki tarbaja pa el; i ka na kumel.

I ka na goza lukru di si nogos.

19I kalka koitadis, i disa elis sin nada;

i roba kasas ki ka kumpu.

20“Si bariga ka dal tempu;

ki rikesaEkl 5.13-14 ki pui sintidu nel,

nada di kila ka na bin sobra.

21Nada ka na sobra pa i kume;

si rikesa ka na tarda.

22Na tempu ki tene ciu kusas na si mon

i na bin oja foronta.

Tudu pesu di kasabi na bin riba del.

23Ora ki kaba inciNum 11.33; Sal 78.30-31; Luk 12.18-20 bariga,

Deus na manda forsa di si raiba riba del suma cuba.

24Nin si i kapli1 Re 20.30; Is 24.18; Jer 48.44; Am 5.19; 9.1-4; At 28.3-6 di material di gera, di feru,

fleŝa di kobri na fural.

25I na rinka fleŝa na si kosta,

ku na lampra ku si fel;

garandi medu na toma konta del.

26Mal na pera pa bin riba di si rikesa sukundidu;

fugu ku ka ta supradu na kaba ku el

ku tudu ku fika na si tenda.

27Seu na mostra si maldadi;

con na lanta kontra el.

28Korentis di yagu na leba rikesas di si kasa

na dia di raiba di Deus.

29“Es i pagamentu di Deus pa omi mau;

i yardansaKap 27.13; 31.2-3 ku Deus guarda pa el.”