1 Kronikas 9 - Portuguese Creole Bible, Guinea-Bissau

Kilis ku riba di katiberasku pa Jerusalen

1Tudu Israel reẑistadu na libru di reis di Israel.

Pobu di Judá lebadu prezu pa Babilonia2 Kron 36.20 pabia di se pekadu.

2Purmeru jinti ku riba pa mora na se propi terenu o na se prasas e seduba utru israelitas, saserdotis, levitas ku serventisJos 9.27 di templu.

3Utru jinti di jorsons di Judá, Benjamin, Efrain ku Manasés e bai mora na Jerusalen, ku sedu esis:

4Utai, fiju di Amijud, fiju di Onri, fiju di Inri, fiju di Bani, di familia di Perez, fiju di Judá;

5di silonitas: Asaias, purmeru fiju, ku si fijus;

6di fijus di Zerá: Jeuel ku si ermons. Tudu jinti di jorson di Judá i 690.

7Di jorson di Benjamin i bai Salu, fiju di Mesulan, fiju di Odavias, fiju di Asenua;

8ku Ibneias, fiju di Jeroan; ku Elá, fiju di Uzi, fiju di Mikri; ku Mesulan, fiju di Sefatias, fiju di Reuel, fiju di Ibnijas.

9Tudu jinti di jorson di Benjamin, konformi se reẑistu, i 956. Tudu ki omis ku se nomis skirbidu li i ŝefis di familia.

10Di saserdotis:Ne 11.10 Jedaias, Jeoiarib, Jakin,

11Azarias, fiju di Ilkias, fiju di Mesulan, fiju di Zadok, fiju di Meraioti fiju di Aitub, ŝef di kasa di Deus;

12Adaias, fiju di Jeroan, fiju di Pasur, fiju di Malkias, ku Maasai, fiju di Adiel, fiju di Jazera, fiju di Mesulan, fiju di Mesilemit, fiju di Imer,

13ku se ermons. Numeru di saserdotis ku seduba ŝefis di familia i 1.760; elis i omis di kapasidadi pa sedu nkargadu di tarbaju di kasa di Deus.

14Di levitas: Semaias, fiju di Asub, fiju di Azrikan, fiju di Asabias, di jorson di Merari;

15Bakebakar, Eres, Galal, Matanias, fiju di Mika, fiju di Zikri, fiju di Asaf;

16Obadias, fiju di Semaias, fiju di Galal, fiju di Jedutun; Berekias, fiju di Asa, fiju di Elkana, ku moraba na tabankas di netofatitas.

17Porterus: Salun, Akub, Talmon, Aiman, ku se ermons; Salun seduba se ŝef.

18Te na ki tempu e pudu pa sedu guardas di porton di rei ku ta fikaba pa ladu di lesti. Esis i jinti ku tiradu na kampamentu di levitas pa sedu porterus.

19Salun, fiju di Kore, fiju di Ebiasaf, fiju di Koré, ku se ermons di familia di koraitas, e daduba kargu di fasi sirvis di guarda entrada di tenda, suma ku se papes seduba nkargadu di kampamentu di SIÑOR, pa guarda si entrada.

20Fineias, fiju di Eleazar, i ta ŝefiaba elis; SIÑOR staba ku el.

21Zakarias, fiju di Meselemias, i ta guardaba porta di tenda di juntamentu.

22Na tudu, 212 omi kujidu pa sedu guardas di entradas. E reẑistadu konformi se tabankas. Davi ku anunsiadur Samuel, elis ku kumsa kuji jinti pa e kargu di guarda.

23Elis ku se jorson e fika ku kargu di guarda portons di kasa di SIÑOR, ku seduba tenda na purmeru.

24Porterus e staba na kuatru ladu — lesti, kaida di sol, norti ku sul.

25Se ermons ku moraba na se tabankas e ta binba na tempus markadu pa juda elis na sirvis pa seti2 Re 11.5-7; 2 Kron 23.8 dia.

26I tenba kuatru ŝef di porterus ku seduba levitas, ku tenba kargu di kuartus ku armazens di kasa di Deus.

27Di noti e ta fikaba na roda di kasa di Deus, pabia i elis ku sedu responsavel pa guardal, tambi pa yabril tudu dia parmaña.

28Utru levitas e tenba konta di vasus pa tarbaju na templu; e ta fasi konta delis ora di yentra ku sai.

29Utrus e toma konta di guarda tudu mobilia ku tudu materialSai 37.29; Num 4.12 sagradu, suma tambi foriña finu, biñu, azeiti, nsensu ku kusas ku ta da bon gustu.

30Jinti responsavel pa jagasi ki kusas sabi seduba utru saserdotis.

31Un koraita comadu Matitias, purmeru fiju di Salun, i kujidu na metadi di levitas, i dadu kargu di fasi pon finu di ofertas.

32Utru ermons di familia di Koat e tenba kargu di purpara pon sagradu ku ta pudu na mesaSai 25.30 na templu kada dia di diskansu.

33Utru levitas, ŝefis di familia, ku seduba kantaduris,Kap 6.31-33; Sal 134; 135.1-3 e ta moraba na kuartus di templu; e ka ta fasiba utru sirvis, pabia e staba ja okupadu na ki tarbaju di kanta, di dia ku di noti.

34Tudu e jinti i ŝefis di familia di levitas, reẑistadu suma ŝefis na se jorson. E moraba na Jerusalen.

Jorson di rei Saul(1 Kron 8.29-38)

35Jeiel funda prasa di Jibeon, i mora la. Nomi di si minjer i Maaka.

36Si purmeru fiju i seduba Abdon; dipus i padi Zur, Kis, Baal, Ner, Nadab,

37Jedor, Aió, Zakarias ku Miklot

38ku bin padi Simeia. Esis e moraba na Jerusalen, pertu di se ermons.

39Ner padi Kis; Kis padi Saul; Saul padi Jonatas, Malkisua, Abinadab ku Es-Baal.

40Jonatas padi Merib-Baal; Merib-Baal padi Mika.

41Fijus di Mika: Piton, Melek ku Tareá.

42Akaz padi Jaerá; Jaerá padi Alemet, Azmavet ku Zinri. Zinri padi Moza;

43Moza padi Binea ku padi Refaias. Refaias padi Eleasá ku padi Azel.

44Azel padi seis fiju ku teneba e nomis: Azrikan, Bokru, Ismael, Searias, Obadias ku Anan.