Salmus 83 - Portuguese Creole Bible, Guinea-Bissau

Salmu, kantiga di Asaf

1O Deus, ka bu fikaKap 28.1; 35.22; 109.1 kaladu;

ka bu tapa oreja,

nin ka bu fika sin fasi nada, o Deus.

2Jubi kuma ku bu inimigus na turmenta;

kilis ku ten odiu di bo e yalsa se kabesa.

3Ku jiresa e na fasi planus kontra bu pobu,

e na ruma pa fasi mal kontra kilis ku bu ta guarda.

4E fala: “Bo bin, no kabaEst 3.6 ku elis

pa ka e sedu nason,

pa nomi di Israel ka lembradu mas.”

5E junta, e pui na un son

pa forma aliansa kontra bo:

6familias di Edon, ismaelitas,

Moab, jorson di Agar,

7Jebal, Amon, Amalek,

Filistia, suma tambi moraduris di Tiru.

8Asiria tambi i junta ku elis,

i da si apoiu pa jorson di Lo.

Sela

9Fasi elis suma ku bu fasiŜef 7.21-25 midianitas,

suma tambi ku bu fasi SíseraŜef 4.15-16 ku Jabin,

lungu di riusiñu di Kison.

10Elis e kabadu ku el na Endor,

e bida suma strumu na con.

11Fasi se garandis suma Oreb ku Zeeb;

fasi tudu se ŝefis suma ZebáŜef 8.1-21 ku Zalmuna,

12ku fala: “Bo bin no toma konta di ki tera di Deus

pa i sedu no yardansa.”

13O ña Deus, pajiga elis suma puera,

suma pajaIs 17.13 dianti di bentu.

14Suma fugu ku ta kema matu,

o un ŝama ku ta pui montañas pa e pega fugu,

15asin bu ta serka elis ku bu turbada,

bu pantanda elis ku bu bentu forti.

16Kubri se rostu ku kunfuson,

pa e pudi rikuñisi bu nomi, SIÑOR.

17Pui pa e fika na kunfuson ku medu pa sempri,

tok e muri ku borgoña.

18Pui pa e sibi kuma i abo son ku tene nomi di SIÑOR,

bu sedu Deus ku ta renaDan 4.17 riba di tudu mundu.