Ditus 11 - Portuguese Creole Bible, Guinea-Bissau

1BalansuKap 16.11; 20.10,23; Sir 19.35-36; Lei 25.13-16; Os 12.7; Am 8.5; Mik 6.10-11 di nganu i nujenti pa SIÑOR, ma i ta kontenti ku pesu justu.

2Jinti orgulyosuKap 16.18-19; 18.12; 29.23; Luk 14.11; 18.14 ka ta tarda pa sta na borgoña, ma jinti umildi e ten jiresa.

3JintiKap 10.9; 13.6; 21.7; 28.18; Sai 25.21 retu, se spiritu retu na gia elis; jinti ku ka sedu di fiansa, se propi falsidadi na kaba ku elis.

4Rikesas ka baliJo 36.18-19; Sal 49.6-8; Is 10.3; Ez 7.19; Sof 1.18; Mat 16.26; Luk 12.20 na dia di raiba, ma vida justu ta libra di mortu.

5Onestidadi di algin retu i na judal pa si kamiñu sta sertu, ma omi mau na kai pabia di si maldadi.

6Vida retu di algin bon i na libral, ma malandrus na pañadu na se diseẑu mau.

7Si omi mau muri, si speransaKap 10.28 kaba. Tudu ki speraba di si rikesa i pirdi.

8Algin justu ta kaplintiduKap 12.13; 21.18; Est 7.9-10; Dan 6.23-24 di foronta; omi mau ta fika na ki foronta ku justu kapli del.

9Omi ku ka mporta ku Deus, ku si boka i ta dana si kumpañer, ma jinti justuKap 2.10-15; 4.5-6 ta kapli pabia di se kuñisimentu.

10Ora ku kusas kuri diritu ku algin justu, tudu prasaKap 28.12,28; 29.2; Est 8.15-16 ta kontenti; ora ku omis mau muri, tudu jinti ta grita ku kontentamentu.

11Un prasa ta torna garandi ora ku jinti bon bensual, ma boka di omi mau ta batil.

12Algin ku ka ten juisu ta njuti si kumpañer, ma omi ntindidu ta kala.

13Algin ku ta yanda i na papia-papiaKap 20.19; 25.9; 26.20-21 i ta konta sigridu, ma algin di fiansa ta guardal.

14Si i ka ten ŝefis jiru, pobu ta kai, ma na manga di konsijadurKap 15.22; 20.18; 24.6; At 15.6 i ta ten suguransa.

15Na bardadi, kil ku seta sedu fiadurKap 6.1 di algin ki ka kunsi, i na sufri ciu, ma kil ku nega sedu fiadur ta fika suguru.

16Minjer di bon korsonKap 31.30-31 ta ngaña rispitu, suma ku omi forti ta ngaña rikesas.

17Omi ku ta juda utrus ta fasi ben pa si kabesa,Kap 11.24; Sal 41.1; 112.4-5; Is 58.7-8; Mat 7.12; 25.34-40; Luk 6.38; Tia 2.13 ma kil ku ta maltrata utrus ta fasi mal pa si propi kurpu.

18Omi mau ta fika nganadu ku si pagamentu, ma kil ku ta sumiaKap 22.8; Os 10.12-13; Gal 6.7-9; Tia 3.18 bondadi na risibi pagamentu sertu.

19Kil ku pui sintidu pa yanda na kamiñu sertu na ojaKap 10.16; 12.28 vida, ma kil ku pega tras di mal i pegal pa si mortu.

20SIÑOR nujuKap 6.16-19; 8.13; 15.8 jinti ku tene korson tortu, ma i ta kontenti ku kilis ku ta yanda sin kulpa.

21Bu pudi ten sertesa kuma omi mau ka na kapliKap 16.5; Sal 112.1-2 di kastigu, ma algin justu na kapli, el ku si jorson.

22Minjer bonitu ku ka ten bon juisu i suma joia di uru na naris di purku.

23Diseẑu di jinti justu ta da bon rusultadu, ma jinti mau ta pera son raiba.

24Kin ku ta da libri vontadi, i ta risibi kada biasKap 11.17; 19.17; 22.9; 28.27; Lei 15.10; Sal 112.9; 2 Kor 9.6-10 mas; kin ku ta guarda mas di ki kil ki dibi di guarda, i ta fika mas koitadi.

25Kin ku ta da, kusas ta kuril diritu; kil ku ta juda i ta judadu.

26Pobu ta maldisua kil ku ta guarda si arus, ma benson na bin riba di kil ku na bindil.

27Kil ku buska kusa bon i ta yangasa fabur; kil ku buska mal, mal ku na bin riba del.

28Kil ku fiansa na si rikesasKap 10.15; 1 Tim 6.17 i na kai, ma jinti justu e na arnobadu suma paja verdi.

29Kil ku tisi kasabi pa si familia i na yarda bentu. Tulu na sedu katibu di justu.

30Frutu di bondadi i arvuri diKap 15.4 vida. Kil ku ngaña jintiDan 12.3; Mat 4.19; 1 Kor 9.19-23; Tia 5.20 pa Deus i jiru.

31Si algin justu risibi ke ki mersi li na mundu, ku fadi omi mau ku ta fasi pekadu.