1 Kronikas 21 - Portuguese Creole Bible, Guinea-Bissau

Davi fasi konta di tropas(2 Sam 24.1-25)

1Satanas

16Davi yalsa si uju, i oja anju di SIÑOR ku staba na ar, ku distindi mon ku spada riba di Jerusalen. Davi ku garandis, elis tudu e bisti saku, e mborkaNum 14.5 na con.

17Davi fala Deus: “Nta i ka ami ku manda pa omis resensiadu? I ami propi ku peka, N fasi mal, ma e karnelis, ke ke fasi? SIÑOR ña Deus, N misti pa bu kastigan, ami ku ña familia, ma tira e kastigu riba di bu pobu.”

18Anju di SIÑOR fala Gad pa i konta Davi pa i bai kumpu altar pa SIÑOR na kau di masa di ki jebuseu Ornan.

19Davi obdisi palabra ku Gad fala na nomi di SIÑOR, i bai.

20Oca ku Ornan ku si kuatru fiju na masa trigu, i vira i oja anju; si fijus bai sukundi.

21Oca ku Davi ciga, Ornan ojal, i sai na kau di masa, i bai dal kontrada, i mpina ku rostu na con si dianti.

22Davi falal: “Bindin ki bu kau di masa trigu pa N kumpu un altar pa SIÑOR, pa i pudi kaba ku e praga riba di pobu. N na pagau si pres sertu.”

23Ornan fala Davi: “Ñu Rei, tomal, bu fasi ke ku bu misti fasi. Ali N na da ña turus pa oferta kemadu, ku ña makina di masa pa bu fasil leña, tambi ku trigu pa oferta di kumida. N na dau tudu.”

24Davi ruspundi Ornan i falal: “Nau, i ka pudi sedu asin. N misti kumpral na si balur. Bindin el na pres sertu, pabia N ka na toma nada di bo pa SIÑOR, nin N ka na da oferta kemadu ku ka kustan nada.”

25Asin Davi paga Ornan seizentus mueda di uru pa ki kau,

26i kumpu la un altar pa SIÑOR, i pursenta ofertas kemadu ku ofertas di pas. I coma SIÑOR; i ruspundil ku fuguSir 9.24 di seu riba di altar di oferta kemadu.

27SIÑOR da ordi pa anju; kila torna si spada na baiña.

28Na ki ora Davi oja kuma SIÑOR ruspundil; i pursenta sakrifisius la na ki kau di masa di Ornan.

29Tenda di SIÑOR ku Moisés kumpuKap 16.39; Sai 40; 1 Re 3.4 na lala, ku altar di oferta kemadu, staba na kau altu di Jibeon,

30ma Davi ka pudiba bai la pa buska SIÑOR, pabia i tenba medu di spada di anju di SIÑOR.