2 Kronikas 4 - Portuguese Creole Bible, Guinea-Bissau

Altar ku bañera di kobri(1 Re 7.23-51)

1Rei Salomon kumpu un altar di kobri

7I kumpu tambi des kanderu di uru, konformi modelu, i pui elis na templu, sinku na ladu direita, sinku na skerda.

8I kumpu des mesa, i pui elis na templu, sinku na ladu direita, sinku na skerda. I kumpu tambi sen basia di uru.

9I kumpu kintal pa saserdotis ku utru kintal garandi, ku portas na metadi delis ku kubridu ku kobri.

10I pui bañera na ladu sudesti di templu.

11Uran kumpu tambi kalerons, pás ku basias. Asin i kabanta tarbaju ki fasi pa rei Salomon na kasa di Deus:

12dus kuluna;

dus kapitel ku staba riba di kada kuluna;

dus redi pa faja ki kapitel ku staba riba di kada kuluna;

13kuatrusentus roman na dus filera pa kada un di ki dus redi ku faja kapitel ku staba riba di kada kuluna;

14des stanti ku se des basia riba delis;

15un bañera ku dozi turu bas del;

16kalerons ku pás ku garfus.

Tudu ki kusas ku Uran-AbiuKap 2.13 kumpu pa rei Salomon, pa kasa di SIÑOR, e seduba di kobri pulidu.

17Rei manda forma elis na un kau ku teneba manga di lama, entri Sukot ku Zeredá, pertu di riu Jordon.

18Tudu ki kusas ku Salomon manda kumpu e ciu dimas; asin pesu di kobri nunka i ka sibidu.

19Salomon kumpu tambi tudu mobilia pa kasa di Deus, suma altar di uru, mesas pa pui pon sagradu riba delis,

20kanderus ku se lampadas di uru finu, pa sindi konformi kustumu, dianti di kau mas sagradu di tudu;

21floris, ku kanderus, ku tenaz, tudu di uru puru,

22suma tambi tisora pa kumpu paviu, basias, kujeris, tiẑelas pa nsensu, tudu di uru finu. Portas di entrada di templu ku portas di kau mas sagradu e seduba di uru.