Atus 26 - Portuguese Creole Bible, Guinea-Bissau

Paulu papia dianti di rei Agripa

1Agripa fala Paulu: “N dau lisensa pa bu papia pa bu difindi.” Paulu distindi mon na ki ora, i kumsa difindi, i fala:

2“ReiKap 9.15 Agripa, N sinti kontenti manera ku N pudi difindi aos dianti di Ñu di tudu kusas ku judeus akusan del,

3inda mas suma ku N sibi kuma Ñu ten kuñisimentu di tudu kustumus di judeus ku tudu se diskutison. E ku manda N pidi pa Ñu sukutan ku pasensa.

4“Tudu judeus sibi kuma ku N yanda disna di pikininu, na kumsada di ña vida la na metadi di ña pobu, suma tambi na Jerusalen.

5E kunsin disna; si e misti, e pudi konta kuma N yanda konformi grupu mas forti di no riliẑion, ku seduKap 22.3 fariseu.

6Agora N sta li pa julgadu pabia N na peraKap 23.6; Titu 2.13 na purmesa ku Deus fasi no papes.

7No dozi jorson na pera tambi pa ki purmesa sedu, e na adora Deus ku tudu korson, di notiLuk 2.37; 1 Tim 5.5; 2 Tim 1.3 ku di dia. Rei Agripa, i pabia de speransa ku judeus na akusan.

8Ke ku manda bo ka pudi fia kuma Deus ta lantanda mortus?

9Ami N kudabaJon 16.2; 1 Tim 1.13 i ña diritu pa N fasi manga di kusa kontra nomi di Jesus di Nazaré.

10Na bardadi N fasil na Jerusalen. Ku otridadi di ŝefis di saserdoti, N miti manga di pobu di Deus na kalabus.Kap 8.1,3; 22.19 N setaba oca ke na matadu.

11N ta kastiga elis manga di bias na tudu kasa di juntamentu; N ta obriga elis pa e nega se fe. Ku raiba forti ku N tenba delis, N ta pirsigi elis te na prasas stranjeru.

12“I ku e sintidu ku N na baibaKap 9.2-3 pa Damasku, ku otridadi ku ordi di ŝefis di saserdoti.

13Na parti di me-dia, ocan na kamiñu, N oja un lus di seu, mas lampradu di ki sol, i lampra na ña roda, ku kilis ku na baiba ku mi.

14No kai na con, anos tudu; N obi vos ku falan na lingua di judeus: ‘Saulu, Saulu, ke ku manda bu na pirsigin? I kusa kansadu pa bu rafila ku mantampa.’

15N puntal: ‘Abo i kin, Siñor?’ I ruspundi: ‘Ami i Jesus, kil ku bu na pirsigi.

16Lanta, bu sikidu. Pa es ku N parsi bu dianti, pa N fasiu ñaKap 22.15 servu, pa bu konta kusas ku bu oja ja di mi, ku kilis ku N na bin mostrau.

17N na librau di bu pobu, ku jintius ku N na bin mandauKap 22.21 pa elis,

18pa bu yabriIs 35.5; 42.7; Ef 1.18 se uju, pa bu pui elis pa e konverti di sukuruLuk 1.79; Jon 8.12; Ef 5.8; Kol 1.13; 1 Tes 5.5; 1 Ped 2.9 pa lus, di puder di Satanas pa Deus, pa e pudi ten fe na mi, pa se pekaduLuk 24.47 purdadu, e risibi yardansa na metadi di kilis ku Deus santifika.’

19“Asin, rei Agripa, N ka nega fasi kil ku N faladu na vison di seu,

20ma N bai purmeru pa jinti diKap 9.20,28-29 Damasku, dipus pa jinti di Jerusalen, ku tudu tera di Judeia, tambi pa jintius, N konta elis pa e ripindi, e konverti pa Deus, e yanda na manera ku ta mostraMat 3.8 se ripindimentu.

21E ku manda judeus prindinKap 21.30-31 na kasa di Deus, e mistiba matan,

22ma Deus judan sempri; e ku manda te gosi N sta bibu, N na da tustumuñu pa jinti garandi tudu ku koitadis. N ka na fala nada, son ke ku anunsiadurisKap 24.14; Jon 5.46 ku Moisés fala kuma i ten ku sedu,

23kuma MesiasSal 22; Is 53; Luk 24.25-27,46 dibi di sufri, i ta sedu purmeru1 Kor 15.20; Apok 1.5 ku na lanta di mortu, pa i konta e pobu li aserka diLuk 2.32 lus, suma tambi jintius.”

24Oca ku Paulu ciga ne puntu na si difesa, Festu falal na vos altu: “Paulu, bu sta2 Re 9.11; Os 9.7; Jon 10.20; 1 Kor 1.23; 2.14; 4.10 dudu! Bu studa dimas tok bu pirdi juisu!”

25Paulu falal: “Garandi gubernadur Festu, N ka pirdi juisu, ma N na papia bardadi ku juisu san.

26Rei ku N na papia si dianti ku koraẑen i sibi de kusas. N fia kuma nada delis ka sukundidu del, pabia i ka fasidu na nin un kantu.

27Rei Agripa, bu fia na anunsiaduris? N sibi kuma bu fia.”

28Agripa fala Paulu: “Mas un bokadu bu ta bidantan Kriston!”

29Paulu falal: “Nin ki mas un bokadu o manga di tempu, N na pidi Deus, i ka son pa Ñu, ma tambi pa tudu kilis ku na obin aos, pa e bida suma1 Kor 7.7 mi, menus e korenti li.”

30Oca ki fala asin, rei lanta, ku gubernadur, ku Berenisi, ku kilis ku staba sintadu ku elis.

31Oca ke na sai, e na papiaba ku ŋutru, e fala: “E omi i ka fasi nada ku mersi mortuKap 23.9 o kalabus.”

32Agripa fala Festu: “E omi pudiba largadu si i ka pidiba bai pa reiKap 25.11 garandi.”