Salmus 77 - Portuguese Creole Bible, Guinea-Bissau

Salmu di Asaf pa ŝef di musika. Pa Jedutun.

1N yalsa fála, N coma Deus pa i judan;

i mpina oreja pa obin.

2Na dia di ña foronta,Kap 50.15 N buska SIÑOR;

N yalsa mon di noti, sin kansa,

ma N ka sinti konsoladu.

3N bin lembra di Deus, N fika N na jimi;

N dita N pensa, N mas fika disanimadu.

4I tuji ña uju fica;

N fika tarpajadu tok N ka pudi papia.

5N lembra di dias diKap 143.5; Lei 32.7; Is 51.9 antigamenti,

di anus ku pasa disna.

6Di notiKap 42.8; 149.5; At 16.25 N bin lembra di ña kantigas;

N pensa dentru di mi; na ña spiritu N punta:

7“Nta SIÑOR neganu pa sempri?

I ka na torna mostranu fabur?

8Si bondadi para janan?

Ki purmesa ki fasi, i nuladu pa sempri?

9Deus diskisi di ten pena di nos?

O raiba pul pa i ka mostra si amor?”

Sela

10Dipus N fala: “Kusa ku mas ta den i es:

Mon direita di kil ku sta riba di tudu

i ka ten ja forsa.”

11SIÑOR, N na lembra di kusas ku bu fasi.

Sin, N na lembra di bu milagris di tempu antigu.

12N na pensa na tudu bu tarbaju,

N na papia aserka di kusas ku bu fasi.

13O Deus, bu kamiñu i puru;

kal deus ki garandi sumaSai 15.11 no Deus?

14Abo i ki Deus ku ta fasi milagris;

bu pui nasons pa e sibi di bu puder.

15Ku bu mon bu liberta bu pobu,

ku sedu fijus di Jakó ku José.

Sela

16O Deus, oca ku yagu ojau, i kumsa na tirmi;

kau funduSai 14.21 di mar bulbuli.

17Nuvens kargadu e darma se yagu;

seu fasi si baruju;

bu fleŝas di relampagu e kuri di un ladu pa utru.

18Baruju di bu turbada obidu na ar;

relampagu numia mundu; con balansa, i tirmi.

19Bu pega kamiñu ku pasaAb 3.15 na mar;

bu yanda na metadi di yagu fundu,

ma sinal di bu pe ka ojadu.

20Bu giaSai 13.21; Is 63.11 bu pobu, suma karnel,

pa mon di Moisés ku Aron.