Ebreus 2 - Portuguese Creole Bible, Guinea-Bissau

Garandi salbason

1E ku manda i minjor pa no pega ku mas firmesa na kusas ku no obi, pa ka no disvia di rumu.

2Si palabra ku anjusAt 7.53 fala tenba forsa, ku, si algin negal o i disobdisil, i ta risibi kastiguSir 10.1-2; Num 11.33; Lei 4.3-4; 27.26 ki mersi,

3kuma ku no na kapli si no ka liga e salbason ku sedu garandi dimas? I Siñor propi ku anunsiaMat 4.17; Luk 1.2 e salbason purmeru. Dipus, kilis ku obil bin danu sertesa del.

4Deus junta si tustumuñuMar 16.20 juntu ku di selis, manera ki fasi manga di koldadi sinal ku milagri, i rapati tambi dons di Spiritu Santu suma ki misti.

Kristu ranjanu salbason

5Na bardadi, i ka anjus ku Deus ntrega gubernu di mundu2 Ped 3.13 di amaña, ku no na fala nel.

6Na un sertu lugar na Skritura algin testifika, i punta Deus:

“Kin kiSal 8.4-5 omi, pa bu lembra del?

O kin ki fiju di omi pa bu intresa del?

7Bu fasil un bokadu mas pikininu di ki anjus,

bu pul koroa di gloria ku onra,

8bu pui tudu kusa bas del.”

Suma ki pui tudu kusa bas di omi, i ka disa nada ki ka pui bas del. Te gosi no ka oja kuma tudu kusa sta bas del,

9ma no oja Jesus, kil ku fasiduFil 2.7-9 un bokadu mas pikininu di ki anjus pa i pudi muri pa tudu jinti, pa bondadi di Deus. No ojal gosi ku koroa di gloria ku onra, pabia di mortu ki sufri.

10I bon manera ku Deus, ku kumpu i nguenta tudu kusa, i fasi Jesus pirfitu pabia di siLuk 24.46-47 sufrimentu, pa i pudi tisi manga di fiju pa gloria. Jesus i kil ku na gia elis pa salbason.

11Asin, kil ku ta santifika ku kilis ku santifikadu e sedu di un mesmu Pape. E ku manda Jesus ka burguñu coma elisMat 28.10 ermons.

12I fala Deus:

“N na konta ña ermonsSal 22.22 bu nomi;

N na ngabau ku kantiga na metadi di juntamentu.”

13I fala tambi:

“N na pui ña fiansaSal 18.2 nel.”

I fala mas:

“Alin li ku fijusIs 8.18 ku Deus dan.”

14Suma ku fijus ta junta karniJon 1.14 ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di1 Kor 15.54-56; 2 Tim 1.10 mortu, ku sedu diabu,

15pa i pudi libra tudu kilis ku sedu katibu tudu se vida pabia di medu di mortu.

16Na bardadi i ka bin toma forma di anjus, ma i toma di fijus di Abraon.

17E ku manda i tenba ku fasidu suma si ermons na tudu manera, pa i pudi sedu ŝef di saserdotiKap 4.15; 5.1-2 ku ta mostra pena, ku sedu fiel na si tarbaju dianti di Deus pa yangasa purdon di pekadu di pobu.

18Gosi i pudi juda kilis ku sta na tentason, manera ku el propi i pasa tentason ku sufrimentu.