Salmus 27 - Portuguese Creole Bible, Guinea-Bissau

Salmu di Davi.

1SIÑOR i ña lus, i ña salbason;

kin ku N na medi?

SIÑOR i suguransa pa ña vida;

kin ku N dibi di medi?

2Ora ku malvadus ku sta kontra mi,

ku sedu ña inimigus,

bin pa atakan, pa ngulin,

e ta da tapada, e kai.

3Nin si manga di tropa tajan,

ña korsonKap 46.2-3 ka na medi;

nin si gera lanta kontra mi,

mesmu asin N na ten fiansa.

4Un kusa ku N pidi SIÑOR, ku N na buska:

pa N pudi mora na kasa di SIÑORKap 23.6; Luk 2.37 tudu dias di ña vida,

pa N pudi jubi-jubi bonitasku di SIÑOR,

N buskal na si kasa.

5Na dia di foronta

i ta guardan suguru,

sukundiduKap 31.20; 32.7; Is 4.6 bas di kurtina di tenda di si morada,

i na pun riba di un roca.

6Asin, ña kabesa na yalsadu riba di ña inimigus ku na tajan;

na si kau sagradu N na pursenta sakrifisius

ku gritus di kontentamentu;

N na kanta salmus pa ngaba SIÑOR.

7SIÑOR, obi ña fála ora ku N comau;

sinti pena di mi, bu kudin.

8Oca ku bu fala: “Bo buska ña rostu,”

ña korson falau: “SIÑOR, N na buskau.”

9Ka bu sukundi bu rostu di mi,

nin ka bu ribantan ku raiba.

Bu seduba ña ajuda; ka bu negan,

nin ka bu bandonan, o Deus, ña Salbadur.

10Nin si ña pape ku ña mameIs 49.15 bandonan,

SIÑOR na kujin.

11NsinanKap 143.10 bu manera di yanda, SIÑOR;

gian na un kamiñu diritu pabia di kilis ku na jimpini.

12Ka bu ntreganKap 41.2 na vontadi di ña inimigus,

pabia tustumuñas falsu2 Sam 16.7-8 lanta kontra mi

ku ta da folgu ku ameasa.

13N fia kuma N na oja bondadi di SIÑOR

na tera di jinti bibu.

14PeraKap 25.5; 62.1,5; Ab 2.1,3 na SIÑOR,

bu ten koraẑen, bu fortifika bu korson.

Pera na SIÑOR.