1 Samuel 8 - Portuguese Creole Bible, Guinea-Bissau

Israelitas pidi un rei

1Oca ku Samuel staba ja beju, i pui si fijus pa e sedu juisisLei 16.18-19; Ŝef 8.22-23; Ne 7.2 riba di Israel.

2Nomi di si purmeru fiju i Joel, si sugundu fiju i Abias. E seduba juisis na Berseba,

3ma elis e ka na yandaba na kamiñu di se pape; e puiba sintidu son pa ngaña diñeru, e ta tomaba sukuSai 23.8; Sal 15.5; 26.10; Is 33.15; 1 Tim 3.3; 6.10 di bas, e ta tursi justisa.

4Tudu garandis di Israel junta, e bai pa Samuel na Ramá,

5e bai falal: “Abo bu beju ja, bu fijus ka na yanda na bu kamiñu. Asin bu ta ranjanu un reiKap 12.17; Lei 17.14-15; Os 13.10-11; At 13.21 ku na ba ta julganu, suma ku tudu nasons tene.”

6Samuel ka fika kontenti ku ki palabra manera ke fala pa i da elis un rei ku na ba ta julga elis. Asin Samuel papia ku SIÑOR.

7SIÑOR falal: “Obi tudu kusa ku pobu na falau, pabia i ka abo ke nega, ma i ami ke ka mistiKap 10.19; Sai 16.8; Mat 10.40; Luk 10.16; 19.14,27 pa N rena riba delis.

8E na fasiu suma tudu kusa ke fasi disna di dia ku N tira elis na EjituSal 106.14-22,34-40 te aos, pabia e disan, e bai na adora utru deusis.

9Obi ke ke falau, ma bu na avisa elis risu, bu konta elis kal ku na sedu kustumu di rei ku na rena riba delis.”

10Samuel konta tudu palabras di SIÑOR pa jinti ku pidil un rei,

11i fala: “Es i na sedu kustumu di rei ku na rena riba di bos: i na toma bo fijus pa e tarbaja ku si karus,Lei 17.14-20; 2 Sam 15.1; 1 Re 1.5; 9.22-23 pa ba ta monta si kabalus, pa ba ta kuri dianti di si karus;

12i na pui elis suma ŝefis di milyaris1 Kron 27.1-22 ku ŝefis di sinkuenta, o pa e labra si lugaris, pa korta1 Re 4.7,22-23,27-28 si arus, pa ba ta kumpu si feramentus di gera, ku ekipamentu di si karus.

13I na toma bo fijus femia pa e sedu purfumistas, kusñeras o paderus.

14I na toma bo minjor lugaris, ku ortas1 Re 21.7,16-19; Ez 46.18 di uva, ku di olivera, i na da elis pa si ŝefis.

15I na toma desimu parti di bo simentera ku bo uvas pa da si ŝefis ku si kriadus.

16I na toma tambi bo kriadus macu ku femia, bo minjor rapasis ku bo burus, pa pui na si tarbaju.

17I na toma desimu parti di bo limarias; abos propi bo na sedu si katibus.

18Na ki tempu bo na keŝa pabia di rei ku bo kuji, ma SIÑOR ka na obi bosDit 1.25-28; Mik 3.4 na ki dia.”

19Ma pobu ka seta obi palabraJer 44.16 di Samuel; e fala: “Nau, ma no na tene un rei riba di nos.

20No na sedu tambi sumaSai 33.16; Sir 20.24-26 tudu utru nason; no rei na julganu, i na ba ta sai no dianti pa geria pa nos.”

21Samuel obi tudu ki palabra di pobu, i ripitil dianti di SIÑOR.

22SIÑOR falal: “Obi ke ke falau, bu ranja elis un rei.”

Asin Samuel fala fijus di Israel: “Kada kin pudi riba pa si prasa.”