1 Kronikas 13 - Portuguese Creole Bible, Guinea-Bissau

Arka pudu na kasa di Obed-Edon(2 Sam 6.1-11)

1Davi konsulta ideia di tudu ŝefis, ku kapitons di mil ku di sen.

2Dipus i papia ku tudu juntamentu di pobu, i fala: “Si bo oja kuma i bon, i kusa ku SIÑOR no Deus misti, no ta manda jinti ku rekadu pa tudu no ermons ku sta na tudu tera di Israel, tambi pa saserdotis ku levitas ku sta na se prasas ku se pontas, pa e bin junta ku nos,

3pa no bai tisi arka di no Deus, pabia no ka ligaba ku el na tempu ku Saul seduba rei.”

4Tudu juntamentu konkorda pa fasi asin, pabia tudu jinti oja kuma i bon.

5Asin Davi junta tudu Israel, desdi Sior na frontera di Ejitu te na entrada di Amat, ki nomi fika te aos.

12Ki dia Davi sinti medu di Deus, i punta: “Kuma ku N na tisi arka di Deus pa mi?”

13Asin i ka leba arka ku el pa prasa di Davi, ma i rabida ku el, i pul na kasa di Obed-Edon, un omi jiteu.

14Arka fika tris mis na kasa di ki familia. SIÑOR bensua familia di Obed-Edon, ku tudu ki tene.