Saida 21 - Portuguese Creole Bible, Guinea-Bissau

Regras aserka di katibus ebreu(Lei 15.12-18)

1“Es i leis ku bu na pui se dianti:

2Si bu kumpra un katibuSir 25.39-43; Jer 34.8-17 ebreu, i na tarbaja pa bo seis anu, ma na setimu anu i na largadu sin i ka paga nada.

3Si i bin pa bo el son, el son ku na sai, ma si i seduba omi kasadu, i na sai ku si minjer.

4Si si dunu dalba minjer, kila padi ku el fijus macu o femia, minjer ku si fijus e na sedu pa si dunu; omi i na sai el son.

5“Ma si ki katibu diklara kuma el, i ama si dunu, ku si minjer ku si fijus, i fala i ka misti sai,

6si dunu ta lebal pa juisis, i ta cigantal pa porta o aru di porta, i ta fural oreja ku guja gros. Asin i ta sedu di sil pa sempri.

7“Si algin bindi si fiju femia suma katibu, kila ka na largadu suma macu.

8Si si dunu kumpralba pa bin kasa ku el, i ka bin gosta del, i ka kasa ku el, i ten ku disa si pape kumpral mas. I ka pudi bindil pa jinti di utru pobu, pabia i ka tratal diritu.

9Si i kumpral pa da si fiju kasamenti, i ten ku tratal suma si propi fiju femia.

10Si i bin buri utru minjer, i ka pudi menusa kumida di ki purmeru, nin ropa, nin si diritus di kasamenti.

11Si i ka kumpri e tris kusa pa minjer, i ten ku largal, sin i ka paga nada.

Leis aserka di kilis ku ta fasi mal pa utru jinti

12“Kin ku suta un algin, i matal,Kap 20.13 el tambi i na matadu.

13Si i ka fasil paNum 35.11-28; Lei 4.41-42; 19.2-13; Jos 20 diskarna, ma i sedu un asidenti ku Deus pirmiti, i ta kuri pa lugar ku N na kuji,

14ma si algin pui sintidu pa ngana si kumpañer, i matal, nin si i kuri pa ña altar, i na tiradu nel pa i1 Re 2.5-6,28-34 matadu.

15“Algin ku suta si pape o mame i ten ku matadu.

16“Si algin furtaLei 24.7 omi, i bindil o i tenel inda, i ten ku matadu.

17“Algin ku maldisua si papeSir 20.9; Lei 27.16; Mat 15.4 o si mame i ten ku matadu.

18“Si omis geria tok un da utru ku pedra o i dal suku, si kila ka muri, ma i ten ku fika na kama,

19si i torna lanta tok i sai fora, i yanda ku po, kil ku sutal ka na kastigadu, ma i ten ku pagal ki tempu ki pirdi; i na judal tok i kaba san.

20“Si algin toma po i suta si katibu macu o femia, i matal na ki ora, i ten ku kastigadu.

21Ma si i ka muri pa un o dus dia, si dunu ka na kastigadu, pabia ki katibu i di sil.

22“Si utru omis na geria, e molosta un minjer preñada tok i pirdi si fiju, ma minjer ka molosta ciu, kil ku majal ten ku multadu konformi kil ku omi di ki minjer pidi; i na paga dianti di tribunal.

23Si minjer molosta risu, kastigu na sedu vidaNum 35.31 pa vida,

24ujuSir 24.19-20; Lei 19.21; Mat 5.38-39; Apok 16.6 pa uju, dinti pa dinti, mon pa mon, pe pa pe,

25kemansa pa kemansa, molostu pa molostu, suti pa suti.

26“Si algin suta si katibu macu o femia na uju, i danal, i ta disal pa i bai libri pabia di si uju.

27Si i suta si katibu macu o femia, i tiral dinti, i ta disal pa i bai libri pabia di si dinti.

28“Si un turuKum 9.5 fidi un omi o minjer ku cifri tok i muri, ki turu na sutadu ku pedra; si karni ka na kumedu, ma si dunu ka na kastigadu,

29ma si ki turu ta fidi jinti, si dunu sibi diritu ma i ka maral, turu bin mata omi o minjer, i na sutadu ku pedra; tambi si dunu na matadu.

30Si dunu bin pudu pa i paga pa salba si vida, i na paga tudu ki pididu.

31Si turu bin fidi fiju macu o femia, i ten ku fasidu konformi e lei.

32Si ki turu bin fidi katibu macu o femia, si dunu na paga dunu di katibu trinta mueda di prata; ki turu na matadu ku pedra.

33“Si algin yabri fonti, o i koba un koba, i ka kubril, i bin kai un turu o buru na ki koba,

34dunu di koba na paga dunu di limaria diñeru, ma i na toma kadaver.

35“Si turu di un algin molosta turu di si kumpañer tok i muri, e na bindi ki bibu, e rapati diñeru na metadi; tambi e na rapati karni di ki mortu na metadi,

36ma si i sibidu kuma ki turu ta fidi, si dunu ka maral, i ten ku paga, turu pa turu; ki mortu ta sedu di sil.