Ripitison di Lei 11 - Portuguese Creole Bible, Guinea-Bissau

Garandesa di SIÑOR

1Ama SIÑOR bu Deus, bu obdisi si ordis, leis, regras ku mandamentus, tudu dias di bu vida.

2Bo pensa na kil ku SIÑOR nsina bos. N ka na papia ku bo fijus ku ka sibi nin e ka oja kil ku bo pasa, ma abos bo oja si garandesa, si mon forti ki distindi,

3si milagris ku kusas garandi ki fasi na teraKap 4.34; Sal 78.12-13 di Ejitu, pa Faraó, rei di Ejitu, ku tudu si tera.

4Bo oja ke ki fasi ku tropas di Ejitu, ku se kabalus ku seSai 14.27-31; 15.4-5,10,19; Eb 11.29 karus, manera ki kubri elis ku yagu di Mar Burmeju oca ke na serka bos. SIÑOR kaba ku elis di un bias te aos.

5Bo sibi ke ki fasi bos na lala, tok bo ciga ne kau,

6ku ke ki fasiNum 16.1,31-33; 26.9-10 Datan ku Abiran, fijus di Eliab, fiju di Ruben, na metadi di tudu Israel, manera ku con yabri i nguli elis, ku se familias, ku se tendas, suma tambi tudu di selis ku teneba vida.

7I abos propi ku oja ku bo uju tudu e garandi kusas ku SIÑOR fasi.

Bensons di tera di Kanaan

8Asin, bo obdisi tudu mandamentus ku N na da bos aos, pa bo pudi sedu fortiJos 1.6-7 pa yentra, bo toma tera ku bo na kamba pa bai yarda,

9pa bo tarda na ki tera riku ku ta pruduziSai 3.8 ciu, ku SIÑOR jurmenta da bo papes ku se jorson.

10Tera ku bo na bai toma i ka suma tera di Ejitu, ki kau ku bo sai nel, nunde ku bo ta sumiaba, bo pega na regua ku bumba di pe suma kin ku na regua orta,

11ma ki tera ku bo na kamba pa el i tera di montañas ku kobons;Kap 8.7; Sal 104.10-13 i cuba di seu ku ta regual.

12SIÑOR bu Deus ta toma konta di ki tera diritu; i tene sempri uju riba del, disna di purmeru dia di anu te na si kabantada.

13Si bu pui sintidu, bu obdisi mandamentus ku N na dau aos, pa ama SIÑORKap 6.5-6 bu Deus, bu sirbil ku tudu bu korson ku tudu bu alma,

14N na manda cuba na bu con na si tempuKap 28.12; Tia 5.7 propi, disna di kumsada te na kabantada di labur, pa bu pudi tene miju, biñu nobu ku azeiti,

15ku paja pa bu limarias. Asin bu na kume, bu farta.

16Bo toma sintidu pa ka bo korson nganadu, pa bo disvia, bo bai sirbi utru deusis, bo mpina se dianti.

17Si bo fasi kila, raiba di SIÑOR na sindi kontra bos; SIÑOR na fica seuKap 28.23-24; 1 Re 8.35; 17.1; 2 Kron 7.13; Jer 14.1-6; Am 4.7 pa ka yagu ten; con ka na da si prudutu. Asin i ka na tarda, bo na pirdi na ki bon tera ku SIÑOR na da bos.

18Bo pui es ña palabras na bo korsonKap 6.6-9 pa ba ta lembra delis. Bo mara elis suma sinal na bo mon ku bo testa,

19bo nsina elis pa bo fijus, bo papia delis ora ku bo sinta na kasa, ora ku bo na yanda na kamiñu, o bo na bai dita, o bo na lanta na kama.

20Bo skirbi elis na portas di bo kasa, ku bo porton,

21pa abos ku bo fijus bo pudi tardaKap 4.40; 5.16 na ki tera ku SIÑOR jurmenta da bo papes, pa tudu tempu ku seu sta riba di tera.

22Si bo pui sintidu na obdisi tudu e mandamentus ku N da bos pa bo guarda, bo ama SIÑOR bo Deus, bo yanda na tudu si kamiñus, bo ciga pertu del,

23SIÑOR tambi i na tira fora tudu ki nasons bo dianti, bo na toma teras di nasonsKap 4.38 mas garandi i mas forti di ki bos.

24Tudu kau ku bo pe masa nel i na sedu di bos, desdi lala te na Líbanu, desdi riuKum 15.18 Eufrates te na mar na kaida di sol.

25Ningin ka na pudi firmaKap 2.25; 7.24 bo dianti; SIÑOR bo Deus na pui jinti di tudu tera ku bo masa pe nel pa e panta, e tirmi bo dianti, suma ki fala ja bos.

Benson ku maldison

26Jubi, aos N na pui bo dianti benson ku maldison.Kap 30.1,15-20

27Bo na sedu bensuaduKap 28.1-14; Is 1.19; 3.10; Mat 5.3-12; Luk 11.28; Tia 1.25; Apok 22.14 ora ku bo obdisi mandamentus di SIÑOR bo Deus ku N na da bos aos.

28Bo na maldisuadu si bo ka obdisi mandamentusKap 28.15-68; 29.19-28; Is 1.20; 3.11 di SIÑOR bo Deus, ma bo disvia di kamiñu ku N na manda bos aos pa bo yanda nel, bo bai tras di utru deusis ku nunka bo ka kunsiba.

29Ora ku SIÑOR bo Deus yentranda bos na tera ku bo na bai toma, bo na anunsia benson riba di MontiKap 27.12-13; Jos 8.30-35; Ŝef 9.7 Jerizin, bo anunsia maldison riba di Monti Ebal.

30Ki montis e sta na utru banda di Jordon, lungu di kamiñu di ladu di kaida di sol, na tera di kananeus ku mora na bulaña di Jordon dianti di Jilgal,Jos 5.9 lungu di arvuris garandi na Moré.Kum 12.6; Ŝef 7.1

31Bo na bin kamba Jordon pa yentra bo toma tera ku SIÑOR bo Deus na da bos. Ora ku bo tenel, bo mora nel,

32bo toma sintidu pa pui na pratika tudu regras ku leis ku N na pui bo dianti aos.