Ripitison di Lei 29 - Portuguese Creole Bible, Guinea-Bissau

1Es i palabra di kontratu ku SIÑOR manda Moisés fasi ku fijus di Israel, na tera di Moab, fora di ki kontratu ki fasiba ku elis

2Moisés coma tudu Israel, i fala elis: Bo oja ku bo uju tudu kil ku SIÑOR fasi FaraóKap 4.34; 7.18-19 na tera di Ejitu, ku tudu si ŝefis ku tudu si tera.

3Bo oja ki garandi kastigus, ku ki sinal ku garandi milagris,

4ma te gosi SIÑOR ka da bos inda menti di ntindi, nin uju ku ta rapara,Is 6.9-10; Ef 4.18; 2 Tes 2.10-12 nin oreja ku ta obi.

5Tudu ki korenta anu ku SIÑOR gia bos na lala,Kap 8.2-4 bo ropa ka fika beju nin bo sapatu ka gasta na bo pe.

6Bo ka kume pon nin bo ka bibi biñu nin bibida forti. Es tudu sedu pa bo pudi sibi kuma SIÑOR i bo Deus.

7Oca ku no ciga ne kau li, Sion, rei di Esbon, ku Og, rei di Basan, e sai e geria kontra nos; no ngañaKap 2.24-37; 3.1-17 elis.

8No toma se con, no dal pa rubenitas, gaditasKap 3.12-13 ku metadi di jorson di Manasés, pa i sedu se yardansa.

9Bo toma sintidu, bo pratika palabras de kontratu,Kap 4.6; Jos 1.7; 1 Re 2.3; 2 Re 17.15; 2 Kron 15.12; 23.16; 34.31; Ne 9.38; 10.29; Sal 25.10; 103.17-18; Luk 11.28; Eb 8.8-13; 12.24; 13.20-21 pa kusas pudi kuri bos diritu na tudu ku bo na fasi.

10Aos abos tudu, bo garandis, kabesas di bo jorsons, bo gubernaduris ku tudu omis di Israel, bo sta dianti di SIÑOR bo Deus,

11tudu ku bo mininus ku bo minjeris, ku stranjeru ku mora na bo metadi, ku kilis ku ta buska leña pa bos, suma tambi kataduris di yagu.

12Bo sta li pa yentra na kontratu di SIÑOR bo Deus aos, pa seta juramentu ki na fasi ku bos,

13pa konfirma aos kuma bo sedu si pobu, el i sedu bo Deus, suma ki fala bos, suma tambi ki purmiti ku juramentuKum 17.2-8 pa bo papes, Abraon, Isak ku Jakó.

14N na fasi e kontratu ku e juramentu, ma i ka son ku bos

15ku sta sikidu li aos dianti di SIÑOR no Deus; tambi i ku kil ku aos ka sta li ku nos.

16Bo sibi kuma ku no staba na tera di Ejitu, tambi bo sibi kuma ku no pasa na metadi di ki nasons oca ku no na bin.

17Bo oja se imaẑens nujenti, ku se idulus di po, pedra, prata ku uru.

18Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

19Algin ku si korson sta disviadu, ora ki obi palabras de maldison, i ta njata na si korson, i fala: “N na ten pas, mesmu ku N kontinua na yanda na ña temusia ku camidera.” Ma es na tisi kastigu garandi.

20SIÑOR ka na misti purdal, ma si raiba ku siumi na yardi riba di ki omi. Tudu maldison ku sta skritu ne libru na kai riba del; SIÑOR na tira si nomi na mundu.

21SIÑOR na separa ki omi di tudu jorsons di Israel pa mal kai riba del, konformi tudu maldison di kontratu ku sta skritu ne libru di lei.

22Mas tardi, bo fijus ku lanta dipus di bos, ku stranjeru ku bin di tera lunju, e na oja kastigus de tera, ku duensas ku SIÑOR kastigal ku el.

23Tudu con na kemadu, i kubridu ku sal kuKum 19.24-26; Ŝef 9.45; Jer 17.6; Ez 47.11; Os 11.8; Am 4.11; Sof 2.9 nŝofri; nada ka na sumiadu, nada ka na padi; nin paja ka na kirsi. I na sedu suma con di Sodoma, Gomora, Admá ku Zeboin, ku SIÑOR kaba ku el na si garandi raiba.

24Tudu nasons na punta: “Pabia di ke ku SIÑOR fasi asin ku e tera? Ke ku manda1 Re 9.8-9; Jer 22.8-9; Mis 2.15-17 i ten e garandi raiba ku na yardi asin?”

25Rasposta na sedu es: “I pabia e disa kontratu di SIÑOR, Deus di se papes, ki kontratu ki fasi ku elis oca ki tira elis di Ejitu.

26E bai sirbi utru deusis, e mpina se dianti, deusis ke ka kunsiba, ku SIÑOR pruibi.

27E ku manda raiba di SIÑOR yardi kontra e tera; i tisi riba del tudu maldisonDan 9.11-14 ku sta skritu ne libru.

28SIÑOR rinka elis1 Re 14.15; 2 Kron 7.20 na se tera ku forsa di fugu di si raiba, i bota elis pa utru tera, suma ku no na oja aos.”

29I ten kusas sukundiduJo 11.6-7; Sal 25.14; Dan 2.18-19,22,27-30; Am 3.7; Mat 13.35; At 1.7; Rom 16.25-26; 1 Kor 2.16 ku sedu di SIÑOR no Deus, ma i mostra tudu palabra de lei pa nos ku no fijus, pa no pudi pratikal pa sempri.