Markus 4 - Portuguese Creole Bible, Guinea-Bissau

Komparason di sumiadur(Mat 13.1-23; Luk 8.4-15)

1Utru bias Jesus kumsa na nsina na praia. Manga di jinti junta lungu del tok i kamba na un barku ku staba na mar, i sinta. Jinti tudu firma na praia.

2I nsina elis manga di kusa ku komparason. Oca i na nsina elis, i fala:

3“Bo sukuta. Un labradur sai pa bai waga simentera.

4Oca ki na wagal, utru kai lungu di kamiñu. Kacus ria e kumel.

5Utru kai na pedra, kau ku ka tene reia ciu; i nasi dipresa pabia reia ka fundu.

6Sol sai, i kemal; planta seku pabia i ka teneba rais.

7Utru kai na metadi di fidida; fidida kirsi, i rodial, i pertal tok i ka pudi padi.

8Utru kai na bon terenu, i lanta, i kirsi, i da frutu; utru padiJon 15.5; Gal 5.22; Kol 1.6 te trinta bias mas di ki kil ku sumiadu; utru da sesenta bias, utru da sen bias.”

9I kaba, i fala elis: “Kin ku tene oreja pa obi, pa i sukuta.”

10Oca ki fika el son, si dozi disipulu, ku utru jinti ku fikaba ku el, e puntal kusa di ki komparason.

11Jesus fala elis: “Abos, Deus misti pa bo kunsi sigriduSal 25.14 di si renu, ma jinti di fora1 Kor 5.12-13; Kol 4.5; 1 Tes 4.12; 1 Tim 3.7 e ta obi tudu kusa son ku komparason,

12pa e fasi suma Skritura fala:

‘E pudiIs 6.9-10; Jon 12.40; At 28.26-27; Rom 11.8 jubi, ma e ka na rapara;

e pudi obi, ma e ka na ntindi.

Si i ka asin, e ta rabida pa Deus;

i ta purda elis se pekadu.’ ”

13I punta elis: “Bo ka ntindi e komparason? Nta kuma ku bo pudi ntindi tudu utru komparason?

14Ki sumiadur i ta sumia palabra di Deus.

15Simentera ku kai lungu di kamiñu signifika kilis ku palabra sumiadu nelis, ma e kaba obil son, Satanas bin tira ki palabra ku sumiadu na se korson.

16I asin tambi ku kilis ku risibi simentera riba di pedra; e ta obi palabra, e ta risibil ku kontentamentu,

17ma e ka tene rais fundu; e ka ta tarda. Si kanseraDit 24.10; Jon 6.66 bin, jinti lanta kontra elis pabia di ki palabra, ki ora e ta disvia.

18Kilis ku risibi palabra na metadi di fidida, e obi palabra,

19ma e ta kuda ciu1 Kor 10.6; 1 Tim 6.9 na kusas de mundu; rikesa ta ngana elis; e ta misti manga di kusa. Tudu e pensamentu ta perta palabra, i ta tujil padi.

20Kilis ku risibi simentera na terenu bon i kilis ku obi palabra, e setal, e padi frutu; un i padi trinta, utru padi sesenta, utru padi te sen bias.”

Komparason di kanderu(Luk 8.16-18)

21Jesus punta elis: “Nta algin ta bin ku kanderu pa mitilMat 5.15 bas di balai o bas di kama? I ka ta pul na un kau altu?

22I ka ten kusa sukundiduMat 10.26; Luk 12.2 ku ka na sai na lus. Tudu ku fasidu na sigridu i na diskubridu.

23Kin ku tene orejaKap 4.9; Mat 11.15 pa obi, pa i sukuta.”

24I fala elis tambi: “Bo para sintidu na kil ku bo na obi. MididaMat 7.2; Luk 6.38 ku bo midi ku el, el ku jinti na midi bos ku el; e na buri inda mas pa bos.

25Kil ku tene, i na buridu,Mat 13.12 ma kil ku ka tene, te ki kusa ki tene i na tiradu el.”

Komparason di simentera

26I torna fala: “Renu di Deus i asin. Un omi wagaMat 13.24-25 simentera na con.

27Konformi ki na durmi di noti, i na lanta di dia, ki simentera na nasi, i kirsi; omi ka sibi kuma ki yanda tok i kirsi.

28I con propi ku ta da frutu; paja ta sai purmeru; dipus i ta preña; na kabantada i ta padi.

29Ora ku frutu burmeju, i ta kumsaApok 14.15 kebur, pabia tempu di kebra ciga.”

Komparason di simentera di mostarda(Mat 13.31-32; Luk 13.18-21)

30Jesus torna punta: “Ke ku no pudi fala kuma renu di Deus parsi ku el? Ke ku no pudi komparal ku el?

31I parsi simentera di mostarda. I mas pikininu di tudu simentera,

32ma ora ki sumiadu, i ta kirsi, i ta mas tudu utru planta na orta; i ta larga ramu garandi, tok kacus ta fasi se kasa nel, bas di si sombra.”

33I fika i na konta jinti palabra ku manga di komparason suma es, konformiMat 13.34; Jon 16.12 e pudi ntindi.

34I ta papiaba ku elis son ku ditus, ma ora ki staba son ku si disipulus i ta splika elis tudu.

Jesus kalma mar(Mat 8.23-27; Luk 8.22-25)

35Na ki dia, oca ku sol na kai, Jesus fala si disipulus: “No kamba pa utru banda.”

36E fika jinti, e leba Jesus na barku ki sintaba nel. Utru barkus bai ku el tambi.

37Turbada garandi lanta, ku bentu; maron na kamba tok barku na inci.

38Jesus na durmiba na popa, ku kabesa riba di turbuseru. E kordal, e puntal: “Mestre, bu ka oja kuma no na muri?”

39I korda, i papia risu ku bentu, i fala mar: “Kala, bu keta.” Bentu para; mar torna tudu ketu.

40I punta elis: “Ke ku manda bo panta asin? Bo ka fiansa na mi inda?”

41E panta dimas, e punta ŋutru: “E omi i kin ku te bentu ku mar ta obdisi?”