Eklesiastis 4 - Portuguese Creole Bible, Guinea-Bissau

Kanseras di vida

1Dipus N rabida, N jubi pa tudu injustisaKap 3.16; Sai 1.13-14; Sal 10.8-10; Dit 28.15-16; 28.23; Tia 5.4 ku ta fasidu ne mundu. N oja larmas di kilis ku kalkadu, ku ka tene kin ku na konsola elis. Forsa staba na ladu di kilis ku na kalka elis; e ka teneba judadur.

2Asin N fala kuma kilis ku muri ja e mas sortiaduKap 7.1; Jo 3.17-21 di ki kilis ku bibu inda.

3Ma minjor di tudu i kil ku ka padiduKap 6.3-5; Jo 3.10-16; 10.18-19; Jer 20.17-18 inda, ku ka oja mal ku ta fasidu ne mundu.

4N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serkaKap 1.2,14 bentu.

5Tulu ta kursaDit 6.6 mon; kurpu ta kaba ku el.

6Minjor bu tene son un monDit 15.16-17 incidu, bu ten pas, te pa bu tene dus mon incidu, bu na tarbaja suma bu na serka bentu.

7N torna oja utru kusa ne mundu ki bakatela.

8I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “KinKap 1.2; Sal 39.6; Luk 12.20 ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

9I minjor bo sedu dusMar 6.7 di ki un son, pabia tarbaju ta mas rindi.

10Si un kai, utru pudi lantandal, ma koitadi di kil ku sta el son. Si i kai, i ka na tene kin ku na lantandal.

11Tambi si dus durmi juntu, e ta kenta ŋutru, ma un son, kuma ki na kenta?

12Si algin bin pa ataka, i pudi ngaña un algin son, ma dus pudi risistil. Un korda di tris fiu i kansadu sapa.

13Un joven koitadi ku sedu jiru i minjorDit 19.1; 28.6 di ki rei beju ku ka ten juisu, ku ka ta seta konsiju.

14Un omi pudi sai na kalabusKum 41.14,39-44 pa bai rena, nin si i padidu na koitadesa na si tera.

15N oja tudu jinti ku vivi ne mundu, ku yanda ku ki joven ku na toma lugar di rei.

16I pudi manda riba di manga di jinti ku ka pudi kontadu, ma kilis ku bin tras del e ka na kontenti ku el. Na bardadi es tambi i bakatela, sumaKap 1.2,14 kin ku na serka bentu.