Isaias 11 - Portuguese Creole Bible, Guinea-Bissau

Renu di pas

1Algin na padidu na jorson di Jesé suma ramu nobu ku sai na pe ku kortadu; na si rais

Spiritu di jiresa ku ntindimentu,

Spiritu di konsiju ku puder,

Spiritu di kuñisimentu ku rispitu pa SIÑOR.

3I na sta kontenti na rispitu pa SIÑOR.

I ka na julga konformi kil ki oja ku si1 Sam 16.7; Jon 8.15-16 uju,

nin i ka na disidi konformi kil ki obi ku oreja,

4ma i na julgaKap 32.1; 2 Sam 8.15; Sal 72.1-4,12-14 koitadis ku justisa;

i na difindi diritu di jinti mansu na tera.

Konformi si ordi, jinti na kastigadu,

omis mau na matadu.

5I na guberna si pobu ku justisa ku bardadi.

6Lubu na mora juntuKap 65.25; Ez 34.25; Os 2.18 ku fiju di karnel,

leopardu na dita juntu ku kabritu,

fijus di baka ku di lion e na yanda, e kume juntu;

mininu pikininu na bakia elis.

7Baka ku ursu na kume juntu;

se fijus na dita juntu.

Lion na kume paja suma baka.

8Mininu ku na mama i na brinka riba di koba di kobra;

kil ku tiradu ja na mama i na pui mon na koba di kobra tutu.

9Na tudu Sion, ña monti sagradu,

i ka na fasidu mal,

nin danuKap 35.9; 60.18; Jo 5.23; Ab 2.14; Zak 14.1 ka na ojadu,

pabia tera na inci kuñisimentu di SIÑOR

suma ku yagu ta inci mar.

Jinti na riba di katiberasku

10Dia na ciga ku rei ku na sai na jorson di JeséKap 11.1; Rom 15.12 na firma suma bandera pa nasons; e na kuri juntuKap 60.3 pa el; lugar di si morada na sedu gloriosu.

11Na ki dia SIÑOR na torna distindi si mon pa libertaKap 43.6; 49.12; Jer 23.7-8; Ez 11.16-18; 11.11; Am 9.14-15; Zak 10.8-12 restu di si pobu, kilis ku sobra na Asiria, Ejitu, Patros, Etiopia, Elan, Babilonia, Amat, ku na jius ku teras lungu di mar.

12I na lantanda un bandera na metadi di nasons, i na junta jinti di Israel ku Judá ku pajigaduba foraKap 27.13; 56.8; Ez 20.41; 28.25; 34.13; Sof 3.10 di se tera, i na rukuji elis desdi kuatru kantu di mundu.

13Nveẑa di Efrain na disparsi; inimisadiJer 3.18; 50.4; Ez 37.16-24; Os 1.11 di Judá na kabadu ku el. Efrain ka na ten nveẑa di Judá; Judá ka na sedu inimigu di Efrain,

14ma elis juntu e na ataka filisteus na kaida di sol suma falkon; e na ngaña, e na roba rikesa di jinti di saida di sol, ku sedu Edon ku Moab; fijus di Amon na fika bas delis.

15SIÑOR na seka mon di mar di Ejitu; i na sana ku si mon riba di riu EufratesApok 16.12 pa tisi bentu kinti, i na rapatil na seti riusiñu ku kualker algin pudi kamba ku sapatu.

16I na ten bon kamiñu pa si pobu ku sobra na Asiria, pa e pudi binKap 19.23; 51.10; 63.12-13; Sai 14.21-22 nel, suma ki tenba pa Israel oca ki sai di tera di Ejitu.