Lukas 17 - Portuguese Creole Bible, Guinea-Bissau

Pekadu

1Jesus fala si disipulus: “Kusas ku ta pui alginMat 18.6-7 kai na pekadu e ten ku kontisi, ma koitadi di ki algin ku pui elis pa e kontisi.

2I minjor pa ki algin maradu pedra garandi na garganti, i botadu na mar, di ki pa i fasi un de pikininus kai na pekadu.

3Bo toma sintidu ku bo kabesa.

“Si bu ermon pekaSir 19.17; Dit 17.10; Mat 18.15,21-22; Kol 3.12-13; Tia 5.19-20 kontra bo, raprindil. Si i ripindi, bu ta purdal.

4Si i peka kontra bo seti bias na un dia, seti bias i bin pidiu diskulpa, purdal.”

Fe

5Apostolus fala Siñor: “Burinu fe.”

6Siñor fala elis: “Si bo tenba fe, nin ki pikininu suma simenteraMat 17.20 di mostarda, bo ta fala e po li: ‘Rinka ku rais, bu bai paranta bu kabesa na mar;’ i ta fasi suma ku bo fala.

Diritu di servu

7“Talves un di bos pudi tene un servu ku na labra, o i na bakia limarias. Si i bin di matu gora, bu ta falal: ‘Ciga, bu sintaKap 12.37 na mesa’?

8O bu ka na falal: ‘Purparan sia, bu bisti, bu bin sirbin tok N kume N bibi; dipus bu ta kume tambi, bu bibi’?

9Nta bu ta fala ki servu obrigadu suma ki fasi kil ki mandadu? N fia kuma nau.

10Asin tambi abos, ora ku bo fasi tudu ku bo mandadu, bo ta fala: ‘No sedu servus ku ka mersi1 Kor 9.16-18 ngabadu, pabia no fasi son kil ku no dibi di fasi.’ ”

Kura di des omi ku tene mpincu

11Oca Jesus na bai pa Jerusalen, i pasa na metadi di SamariaKap 9.51-52 ku Galileia.

12Oca i na yentra na un tabanka, des omi ku teneba mpincu sai pa kontra ku el. E paraSir 13.46 lunju,

13e grita, e fala: “Jesus, Mestre, ten pena di nos!”

14Oca i oja elis i fala: “Bo bai nunde saserdotisSir 13.2; 14.2; Mat 8.4 pa e jubi bos.”

Suma ke na bai na kamiñu, se kurpu san di ki duensa, e bida limpu.

15Oca ku un delis oja kuma i staba kuradu, i riba, i ngaba Deus ku vos altu,

16i kai na pe di Jesus ku rostu na con, i falal obrigadu. El i seduba di Samaria.

17Jesus ruspundi i punta: “I ka seduba des ku kuradu? Nunde ku ki novi sta?

18I ka ten nin un son ku riba pa ngaba Deus fora de stranjeru?”

19I fala omi: “Lanta, bu bai. Bu feKap 7.50; 8.48; 18.42 kurau.”

Renu di Deus na bin di repenti

20Oca fariseus puntal kal tempu ku renu di Deus na bin, Jesus ruspundi i fala elis: “Renu di Deus ka na bin suma kusaRom 14.17 ku bo pudi oja.

21Ningin ka ta fala: ‘Jubi, alil li!’ o: ‘Alal la!’ pabia renu di Deus sta na bo metadi.”

22I fala si disipulus: “Dia na bin ku bo na misti oja un di dias di Fiju di omi, ma bo ka na ojal.

23Jinti na falaKap 21.8 bos: ‘Alil li!’ o: ‘Alal la!’ Ka bo bai se tras.

24Suma ku relampaguMat 24.27 ta numia seu di un ladu pa utru, asin ku Fiju di omi na sedu na si dia,

25ma purmeru i ten ku sufriMat 16.21 ciu; jinti de tempu na negal.

26Suma ki kontisi na diasMat 24.37-39 di Noe, asin ki na sedu tambi na dias di Fiju di omi.

27Jinti ta kumeba, e bibi, e kasa, e da se fijus kasamenti, te na dia ku Noe yentra na barku; diluviu bin i kaba ku elis tudu.

28Mesmu manera ki kontisi tambi na dias diKum 19.1-26; 2 Ped 2.7 Lo. E ta kumeba, e bibi, e kumpra, e bindi, e paranta, e kumpu kasa,

29ma na dia ku Lo sai na Sodoma, i cubi fugu ku nŝofri di seu; i kaba ku elis tudu.

30Asin ki na sedu na dia ku Fiju di omi2 Tes 1.7 na parsi.

31“Na ki dia, kin ku sta riba di kasa, i tene si kusas dentru di kasa, ka i ria pa tomaMat 24.17-18 elis. Mesmu manera, kil ku sta na matu, ka i riba tras.

32Bo lembra di minjerKum 19.26 di Lo.

33Kil ku buska salbaKap 9.24; Mat 16.25 si vida, i na pirdil. Kil ku pirdi si vida, i na salbal.

34N na konta bos kuma, na ki noti, i na sta dus ditadu na kama; un son naMat 24.40-41; 1 Tes 4.17 lebadu, utru na disadu.

35Dus minjer na pila juntu; un son na lebadu, utru na disadu.”

37Si disipulus ruspundi e puntal: “Nunde, Siñor?” I fala elis: “Nunde ku kusa ku muriJo 39.30; Mat 24.28 sta, la ku jugudes ta junta.”